【QB媽媽】春日賞花，石崗盛放木棉花

外遊無望，留係香港其實遠嘅一樣唔敢去，以前我會去饒宗頤文化館睇宮粉羊蹄甲，依家變檢疫中心去不了！南昌公園風鈴木盛放，不過市區肯定迫爆，都係迴避下好！最後，又係元朗近郊遊，石崗軍營睇木棉花。

勝在地點較偏遠，人真係唔算十分多，而且地方夠大夠空曠，專程來打卡嘅人唔算太多，可安心賞花和影相。

我們於元朗乘綠色小巴72到軍營下車，疫症期間入口有保安員為訪客量度體温才可內進。

早幾天來到，木棉已盛放，地上滿是落花，環境清幽十分舒適，專程來打卡的人不算太多（至少比行山少）倒是專業攝友較多，一般是駐足某幾棵盛放的木棉樹下不停拍，變相我地可以輕鬆遊走下大草地，除低口罩影下靚相，今時今日已經難能可貴。

木棉花又稱英雄樹，椏枝很有氣概，木棉花的生長也很有趣，找了整棵樹，也近乎找不到一顆是「面向人群」的XDD，認真高高在上啊﹗

正值木棉花盛放，滿地落花，一邊行總會中幾個頭獎，啲花跌落黎都幾重幾，QB應該太耐無出去玩，見到一地花花特別興奮。

很多人會把落花砌成心型或其他圖型或字句，作為拍照背景最好不過。

 

在軍營裏竟然有小朋友遊樂塲和韆鞦，甚為不解!? QB已經很久沒蕩韆鞦了，一直嚷住要玩，當然要滿足吓佢，反正小孩不多，也不用太擔心，玩完用搓手液清潔雙手就好了。

正值日落時份，透過木棉樹枝透出的景色，別有一番風味。

滿地木棉花的樓梯級，有人刻意放了木棉花用來拍照，我們也不錯過如此美景，自娛一番。

QB最後還拾了2朵落花帶回家去。

軍營花季期間才對外開放。也有不才人專程來寫生，環境十分清幽舒適。切記不要破壞訓練設施和大聲喧嘩，垃圾自己收拾好，垃圾桶也不難找的。

木棉花期只有2星期左右，去之前先check下花開狀況，都係個句啦，自然衡量路程，人多時都係帶返口罩安全啲。

作者: QB媽媽

其他文章﹕

【QB媽媽】食譜﹕黑糖三色芋圓鮮奶

【QB媽媽】 親子入廚食譜﹕色彩繽紛三色肉丸