【米豬媽媽】飛媽媽 - 大阪here we go~!


全年適用

响屋企困到抑鬱咁滯,寫返啲開心嘢先。上年11月同老爺奶奶一齊去大阪+京都~~ 10點幾機去~ 我哋一早就call定車,接埋老爺奶奶就一齊去機場喇~~~

去到好快咁將行李寄艙就排入去等上機喇~~

入lounge食完嘢,玩一陣已經去排隊上機嚕~~~

呢個打卡位我地又點會放過呢~

飛咗3次終於影到XDD 未上得機,同嫲嫲去望吓我哋架飛機先~

由於米豬仲係小朋友,以佢嘅身高望住飛機椅背個mon,望到斜視都未落機,所以同學仔媽咪教我整咗呢個私人影院比米豬XD

你需要嘅係一個最大碼嘅密實袋,1條50cm長嘅繩,一對headphone同一部ipad 將部ipad打橫放入去,headphone plug位拮個窿插headphone,响機頂個邊位穿條繩過去綁埋佢,再用椅背餐枱個扣扣住,就完成個呢個私人影院組合喇。當然你需要事前將主子喜愛嘅影片save咗落去先,唔好諗住睇tube tube呀,响飛機上唔到網,我哋都download咗幾個小遊戲俾米豬玩,扮醫生啦,扮地盤啦,仲有消防署一啲防火知識嘅遊戲。

除咗ipad,我隨身仲帶咗3本貼紙書,1盒顏色筆,1本簿仔同埋海量零食(乳酪粒粒、餅、果乾、山渣餅、八仙果)

睇咗2套戲又食咗啲嘢又痴吓貼紙,落機嚕~!(全程冇瞓過……….)落機後即刻搵個廁所捉米入去換片,仲有著返件羊毛底,我都著返條厚legging打底。 因為市區得12度咋~!! 完成晒入境手續,拎咗行李之後米豬就响BB車瞓咗嚕。梗係啦,今朝7點幾起身撐到而家~

睇唔到靚靚Rapid車身~

佢個眼瞓嘅程度,係我哋將佢响BB車搬埋上櫈都未醒XDDDDD

幾驚佢瞓到落咗車都唔醒,話冇搭過鐵鐵呀,好在搭咗幾個字就醒咗~

趕得切落車同呢架咁型嘅鐵鐵影相~~~

我哋呢架車係直達難波,好方便呢~~

放底晒行李之後就行過道頓崛嗰邊~ 因為我地Book咗蟹奉行放題呀~~~

可以瘋狂食蟹呀~~ 米豬好開心呀~~~

但原來選擇唔算好多,以下呢2張相就係 全 部 食 物 了~~~ 佢另外有熟食炸物嗰啲可以叫嘅,但海鮮類我覺得偏少囉~

而日本人係唔燒蟹,佢哋係叫shabu shabu淥白色嗰啲蟹食~ 我梗係唔執輸死跟啦~ 原來咁樣食好過燒好多倍!!! 食完就响道頓崛行過心齋橋,固力果人你好嗎?~ 姐姐返來喇~~

米豬好鐘意蟹道樂隻蟹,仲係咁扮佢郁,老爺就話蟹道樂好食過蟹奉行,OK~ 下次食返蟹道樂啦~

之後就行咗入我最愛嘅 daiso~~ 係我同奶奶嘅天堂呀~~

米豬發現貼紙天堂~~~

張張都話要,張張都話買,不過佢話買俾朋友仔,算你啦,去玩都掛住班好兄弟~~ 爸爸埋單單唔該~~~

好滿足拎住自己個籃响度掃貼紙的小朋友~

我同奶奶就一人一車日用品,扣針都買咗幾廿pack XDD 仲有尿片呀~~ 我今次帶咗十塊上機咋~

過到嚟買就OK啦做乜要抬嚟抬去啫XD

買飽飽就返酒店嚕~~

 

米豬豬的page~ 每日都update~

歡迎各位like & follow~ 亦都歡迎大家聯絡我同米豬豬一齊試用產品或合作~

https://www.facebook.com/NereusYu/

作者: 米豬媽媽

其他文章﹕

【米豬媽媽】煮媽媽 – 台式煎蛋餅

【米豬媽媽】煮媽媽–肉醬意粉


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

2日1夜 珠海親子遊 入住長隆飛船酒店 暢玩全球最大的海洋主題公園|安妮媽媽親子日記
港車北上親子遊 |佛山Snoopy主題樂園 逼真呈現漫畫主題世界 騎馬/開挖掘機/餵小動物 適合初小及幼稚園小朋友
高雄親子遊|日本唯一海外授權主題樂園 高雄鈴鹿賽道樂園 齊做飄移小車手
沖繩兒童王國 新開園區/騎馬+餵動物體驗/每月不同特色主題 沖繩親子旅遊必去景點
深圳親子遊|超過5千呎PlayHouse 試做小小洗車員/汽車維修員/消防員
深圳野恩動物樂園 不限時遊玩低至$99/位 萌寵撫摸餵食零距離接觸︱親子好去處
查看更多   ▸