| 日期 | 全年適用 |
星期六早上，晴朗爸爸突然話想去釣魚，問我哋有冇興趣跟埋去。見佢咁有興致，當然捨命陪君子啦！於是我哋就睡眼惺忪咁去咗城門水塘喇！行山郊遊相信大家都去得多，但估唔到原來而家有埋親子遊戲同工作坊玩，好意外！一定要同大家介紹下呀！
藍色線(1)~(6)係我哋今次嘅路線，揸車去到(1)號起點泊低，然後開始起行。如果搭小巴去到城門水塘，落小巴後，向車尾方向一路沿斜路向上行，一樣可以到達(1)號位置㗎！藍色呢段路比較多樹摭陰，幾好行！而粉紅色路線遲少少會再講。（可按圖放大）
早晨呀！報時訊號一響，8點鐘喇！本應唔駛番工可以瞓到黃朝百晏，而家嚟到呢度吸一口清新空氣都唔錯吖！