【傻夫婦】深圳兩天遊「深圳野生動物園」

2019年6月30日（星期日）

今次主打行程是「深圳野生動物園」，一早上團購網站買門票，每張$87，身高120cm就要買飛。我見團購都有2款，一款要係香港拎飛（yahoo)，一款去到先拎(SoZmart)，我揀咗去到先拎。

其實無特別做功課睇下動物園有咩玩，只是成日睇團購時見到，之前仲有包酒店的（價錢當然不同），現在好似沒有了，不過包的酒店好一般，所以都是自己訂酒店好！原來都幾多嘢玩，除咗可以睇動物，仲可以餵動物，我哋今次餵咗長頸鹿、鯉魚、天鵝、山羊，仲有獅子、老虎！

另外都有兒童遊樂園，同玩水的地方！ 由酒店坐的士去大約¥50，20分鐘就到。