【傻夫婦】暑假京都大阪親子遊 Day 5 大阪城公園/ Bornelund大阪城公園

前年計劃去熊本的時候，想去參觀熊本城，結果去之前因爲熊本地震，到7月去時只是遠遠望了一眼，今次計劃去大阪的時候，就打算要帶大頭小丸去大阪城。不過今日去到有點晏，問佢哋想參觀定玩公園，咁當然是玩公園啦！

大阪城公園本身就已經好好玩，今次其實我係想去大阪城公園旁邊的 Bornelund大阪城公園﹗ Bornelund其實是連鎖式的 playhouse，入場費好抵，小朋友一日pass只是1700yen，大人就600yen，開放時間是 9:00 – 19:00，我哋差不多5:00先入場，不過都是買一日pass。最最最重要是有冷氣，夏天去的時候，冷氣真是好重要！