| 日期 | 全年適用 |
考完試要大玩特玩 ！一早6月頭考試時就約定國皇之家Mandy 同80後媽咪Gill 去坐高速鐵路（唔知點解考試時係最想玩），去邊唔緊要，只是想試下帶小朋友坐高鐵！最後決定近近地去深圳，今次行程主打是「深圳野生動物園」，住就揀咗福田香格里拉大酒店，貪佢地點夠方便，就係福田站10號出口。
買高鐵車票是實名登記，如果去站買，可以以回鄉卡副本買，但如果上網訂，就要以回鄉證正本到站取票。怕長假期人多，所以早兩日去西九龍站買定車飛，買了9:22am 的班次，當日都要早45分鐘到，要預返過關的時間。
今次入住福田香格里拉大酒店，一晚大約$1200，傾向是商務酒店，所以親子嘅設施唔多，有個室內游泳池、開放時間好長6:00-23:00，我哋去完動物園玩，返到去22:00都仲落咗去游水。健身中心的女更衣室入面有桑拿、三溫暖，我哋游完水都樣樣試咗！