【和牛b的成長日記】暑期親子活動︳親子落廚。跟廚師學整Pizza x 再去沙灘玩沙 x 渡假風

話咁快又就到暑假啦，你哋計劃好去邊到玩未？

如果未，不如等我同大家分享一下暑期有咩好活動可以做啦~

夏日熱辣辣當然會諗起去沙灘玩沙啦，但又唔想帶好多工具出去玩。

我就建議大家去馬灣到玩，因為呢到有一間餐廳「Cafe Roma」。

^嚟到Cafe Roma餐廳用膳，仲可以兩手揈揈去沙灘玩

餐廳絕對做齊了親子友善嘅服務，有豐富健康兒童餐之外，仲有Cafe Roma嘅Uncle Kevin免費提供玩沙工具及玩具俾小朋友玩樂。

而重點係今年「Cafe Roma」再度舉辦兒童薄餅工作坊，讓小朋友及家長跟住Cafe Roma主廚Chef Jaakko 學整Pizza。

首先感謝Cafe Rome嘅邀請，我哋嚟到呢到一齊學整Pizza，仲可以一齊試7月1日嘅新菜式。