| 日期 | 全年適用 |
寫寫吓冇咗條尾，上年10月尾嘅米豬高雄之旅，除咗每日外出活動之外，媽媽我揀住宿地點時，以「就算落雨留響房都唔會吽到出菇」為搜索條件，所以我地放棄各大酒店，主攻民宿，仲要係溜滑梯民宿，結果俾我搵到呢間響距離捷運巨蛋站大約10分鐘腳程嘅歡樂巴士溜滑梯親子主題民宿（Fun Bus）。
呢度係單楝民宿，連埋地下有6層，分別係4個主題嘅房，每層樓一間房，我地住3晚，分別瞓咗2間房，地下有個黑板俾大家畫吓公仔寫吓字。
老實講，冇google map真係搵唔到，但入到去你係完全唔想離開間房㗎~~~
為保持館內清潔，室外鞋係唔可以著上樓㗎，所以地下有個鞋櫃，有埋拖鞋俾你換咗先上房，每層住客都有自己嗰格，唔好放錯自己對鞋去人哋度啊~ 
搭穿梭機lift出發上樓喇﹗
第一晚，我哋住响蘑菇房，門口已經好童話feel喇~~~
房內一打開門就見到sir滑梯~!!!!!!!
閂埋門望返轉頭就咁樣
好充裕的泊車位置，車身挨住嗰邊係浴室~