| 日期 | 全年適用 |
每次爸爸放假，我哋又可以一齊去玩！
爸爸今次帶我哋去山頂呀！
VIDEO:
因為假期嘅關係，我地決定朝早去，希望人流會少啲，所以爸爸揀咗揸車去山頂纜車站。
纜車站附近有一個停車場，時租每小時都係三十零蚊咋。
如果唔搭纜車的話仲可以直接揸車上山頂喔!
來緊山頂纜車會係四月底開始翻新並暫停服務到七月先開返，所以我地決定趁機帶小JM體驗一下坐纜車嘅感覺。
係山頂纜車翻新期間，蠟像館方面亦會提供免費穿梭巴士上山架，所以都好方便架！
我哋到達纜車時已經十點多，見到好多外國遊客準備排隊買飛。
^購票時已經見到老大嘅蠟像喔！