| 日期 | 全年適用 |
夏天就到，鍾意游水嘅小朋友，除咗室內游泳池之外，可以去番室外嬉水池，瘋狂瀡滑水梯喇！現時全港有44個公眾泳池，總共有22個有嬉水池。港島區小朋友，有三個公眾泳池有嬉水池玩。而新界區就最多，約10個泳池有大型滑梯，好似水上樂園咁好玩。
說到底，有邊個泳池值得跨區去？有邊個泳池有最多滑水梯？有邊個泳池最少人幫襯？有邊個泳池最啱自己小朋友玩？睇完呢個攻略就一清二楚啦！
港島區一共有9個泳池，其中三個泳池有嬉水池。堅尼地城游泳池去年4月中已經開放餘下室外的嬉水池，另外位於黃竹坑的包玉剛游泳池為全港島區最大公眾泳池！雖然沒有嬉水池，但兒童池和戲水池一樣有玩樂設施。當然唔少得東區兩大熱門泳池，港島東遊泳池和柴灣游泳池啦，佢哋都設有嬉水池！
【堅尼地城游泳池】
(網上圖片)
嬉水池面積達360平方米，有小滑梯和搖搖動物等設施。
地址：香港堅尼地城西祥街北2號
夏季開放時間：上午6時30分至中午12時；下午1時至5時；晚上6時至10時
清潔日：逢星期三
值得一提，堅尼地城游泳池有一個橢圓形按摩池，爸媽記得游完水去按摩下！
(網上圖片)