| 日期 | 全年適用 |
好多人都知QB媽一家住在元朗區，平時冇乜必要真係唔太想出城，奈何成個新界西一間似樣的親子餐廳同Playhouse都欠奉，要揾地方帶QB玩，真係下下都有穿州過省出城嘅感覺﹗好彩，天無絕人之路，前排比我無意間發現近近地嘅屯門有一間好有規模既Party Room，收費唔貴，而且最好係大人細路都有唔少嘢岩玩喎，於是約埋同樣係3月生日既媽媽朋友一家一齊去玩下。
我講既嘅係就近屯門市中心既「Why Open」Party Room，喺屯門站行過去，大約10分鐘左右，一啲都唔難揾，雖然喺工廠大廈入面，不過佔地全層，感覺夠私癮同安全﹗一入內，有一排膠鞋櫃，入屋除鞋係常識吧，而店方亦很貼心提供拖鞋俾大家換。
一入內，可以用一望無際去形容! 全個場無樑柱位，視野好開揚，佔地有成3600呎，真係超超超大呀﹗咁大嘅場，包場開Party幾多人都無問題呀，超正!
人少少包唔晒成個場，仲有獨立房間可揀，只要夠6個人就可以包房，咁就易成事好多﹗場內有3個獨立房，都各有唔同特色同設計架，如包房都可共用外面嘅設施。
房間好光鮮企理，有一排梳化椅坐，仲有啲home feel，幾舒服。
