| 日期 | 全年適用 |
其實想知道紅葉幾時會比較紅，可以留意漁農署網站，佢哋入面有個大欖郊野公園楓香林紅葉指數，紅葉指數分為 A：極紅、B：開始紅、C：黃、D：綠，總共4個等級，漁農署網站嘅紅葉指數係逢星期五更新，目前最update的更新係至28/12/2018，指數係 B：開始紅。
大家都知道年尾又係欣賞紅葉的好季節！首要我哋可以賞楓開心之餘，我哋當然亦唔希望妨礙到大棠村民的日常生活啦，所以盡量選擇閒日比較人少時候去，元朗大棠相信係唔少人賞紅葉的勝地，我哋揀閒日去，如果係有開車的閒日可以開到上到山腳的停車場泊好，再慢慢行上去。但如果紅葉季節的假日去，就唔可以開車上山啦。但公共交通其實都好方面，可以喺元朗搭港鐵巴士 K66號，or 紅van都可以去到大棠山道巴士總站。
隨住呢排氣溫急降，相信大棠的楓葉林紅葉都已經開始轉紅，其實我哋真係無特別刻意想捕捉紅葉全盛期，雖然未至於一片紅海的盛況，但我哋都只係順住心意，想帶孖寶認識一下大自然如節氣的自然變化，又剛好佢哋唔洗返學，唔洗擔心假日影響到大棠村民，可以喺閒日比較人少時上山欣賞。