| 日期 | 全年適用 |
吸取左半年前心怡第1次搭飛機去台灣經驗，今次去泰國執行李相對輕鬆D，因為已經有左個實戰CHECKLIST喺手，所以今次執喼縮短到1日，哈哈!!
回顧番去台灣墾丁個情況，擔心買生活用品唔方便，所以物資上都預備得好充足，甚至乎多左好多野。依家心怡長大左半歲，飲食方面都已經唔駛煲粥仔或分開煮面面。希望佢搭飛機都會更加順利!
今次泰國去左5日4夜，只玩曼谷，早機0750去晚機1840返，搭泰國航空。今次同嫲嫲姨婆佢地1行6人去，長輩多，所以都係住番T21，實在太方便，搭車行商場按摩食野買野超市乜都有齊!! 講番出發當天，天未光5點度就出門搭十士去機場，心怡好合作咁配合換衫出發，仲記得識講”搭飛機”。喺的士好安靜咁啜住指望風景，無扭眼訓。