| 日期 | 全年適用 |
如果有留意開我哋，應該不難發現，其實我哋一家係極少會去playhouse、大型親子餐廳等。基於一些理念，加上我們還是喜歡到大自然去探知一切。
但今次同表哥一齊去，所以我選了一家比較另類嘅親子餐廳，可能因為我哋一直都特別喜歡木製玩具，今次見到這家餐廳入口的高質滑梯組合，真係深得我心。
可能你會覺得無咩特別，一啲都唔似其他playhouse或大型親子餐廳，設有波波池等設備，但係我就係喜歡這份簡單，同埋餐廳木製遊樂區嘅天然感覺。估唔到看上去無咩玩，原來表哥同孖寶都已經玩得好開心，仲玩到人哋落場都唔捨得走呢！
佢哋嘅午餐set都尚算ok，唔係特別貴，而且價格已經包任食Salad Bar。另外，素食嘅朋友午餐時段就可以以HK$98享用沙律吧同飲品。
我同婆婆就order咗2個lunch set，已經包埋任食沙律吧啦！
表哥就order咗兒童餐，睇上去真係超豐富呢。兒童餐真係份量十足，有意粉、漢堡包，仲有薯條，飲品等。
身高100cm以下嘅小朋友，仲可以唔使點餐，免費任食沙律吧。沙律吧嘅食物種類亦都幾多，有蔬菜、麵包和餐湯等。
