| 日期 | 全年適用 |
父母經常都要為小朋友安排親子活動，今次我去嘅有室內又有室外，喺邊度嚟㗎呢？我哋全職bb聯盟就去咗 #WILDPLAY 元朗活動中心！
位於GREEN ARTIUM環保園區內，小朋友除咗玩同上親子班，仲可以從遊戲中接觸同認識大自然，打造綠色玩樂社區，例如蝴蝶係點嚟嘅？空氣受污染點算好？廢物分類係咩嚟？有好多同我哋生活息息相關嘅事，都可以透過呢度嘅得意展板同公仔教育佢哋，建立環保意識。
WILDPLAY嘅室外兒童花園係鼓勵小朋友喺戶外玩，原因喺戶外玩樂可減低小朋友與小朋友之間的病毒互相感染機會，因太陽所發出的UV能天然有效殺死依附喺玩具表面嘅細菌，戶外空氣更比室內流通，大大減低小朋友同細菌共處一室嘅機會，所以幾時都話曬一曬太陽係最好不過！
小朋友可於室外全真草地花園盡情玩水、噴槍塗鴉、草地水彈、大型層層疊等等。小插曲，晞晞見到水就傻咗，連人帶鞋咁插咗落水，連片都濕埋，換咗3套衣服呢！