今年未踏入暑假已經熱辣辣，八月簡直熱到溶咗。唔通「夏日炎炎真係要眠？」錯！錯！錯！簡直就係大錯特錯！咁好陽光梗係要出去同陽光玩遊戲兼玩吓水啦！
我哋小JM一家今日同朋友仔去咗黃金海岸，仲玩咗「夏日黃金 WATER FUN」添呀，係炎炎夏日同朋友一齊去玩嘅好去處，你都快啲一齊去撲水啦！
活動小簡介
「夏日黃金WATER FUN」活動由 We嘩充氣嘉年華所舉辦，係一個適合一家大細玩樂玩水嘅暑期好去處，而且活動內容非常豐富，設有多個不同區域，濕晒身咁玩就夠晒消暑啦。全場最曯目嘅，莫過於一條80呎嘅全港最長水滑梯，真係刺激滿FUN！等我哋再為大家來個小介紹，睇完可能你會急不及待要去買飛，但記得唔好錯過後尾嘅至抵購票優惠呀！不過玩時玩都要注意安全及做足預防措施嘅！
溫馨提示
－記得搽防曬；
－記得補充足夠水份；
－記得帶定多套衫及泳衣。