【虎羽有云】遠征長洲免費Play Room—人流少放電之選


全年適用

今個夏天超級熱,見到啲blogger媽媽介紹一啲室內兒童遊樂場嘅時候其實都心郁郁想帶魔王芊去。

可惜我係在職媽媽,帶得佢去嘅日子都係得禮拜六日,俾一個唔平嘅價錢入到去分分鐘都冇乜點玩到(因為芊羽仲細個,實在冇辦法同2歲以上小朋友死過hahahaha)
試過山長水遠去到銅鑼灣,結果人太多,playroom嘅職員姐姐都唔建議我哋入去。

 

早幾個禮拜一家三口趁禮拜日放假,遠征長洲。
吃貨媽媽當然狂掃街,面咁大塊嘅西瓜冰菠蘿冰、棒球咁大嘅魚蛋,全部都由媽媽幫芊羽代勞好了

嚟到節目重點,行上半山嘅兒童遊戲室。(出碼頭向右邊行,去到759,入左邊小巷一直上,上到咁上下會見到馬會,就唔洗再直上,要向左行,大家唔好怕醜要問下人,嗰日Google唔係太幫到我,利申:Wilma媽同芊羽喺日本單拖都係靠Google Map)

去到體育館,G/F就係遊戲室。
拎完籌等咗10分鐘倒就入得去喇,果然遠征係可以玩得放啲,就算係禮拜日,小朋友都唔算多,芊羽可以爬嚟爬去揀佢鍾意嘅牆壁遊戲再企定定玩。

設施上兩邊嘅空間都鋪晒軟嘅地墊,而最矚目當然係大大座嘅滑梯,通常係付費嘅Play Room先會見到呢!
牆壁上有六種遊戲,可以俾細啲嘅BB練練手指。
除咗一般遊戲室都會見到嘅攀爬設施之外,因為呢度係長洲,當然唔少得有長洲特色嘅搶包山遊戲啦(一個類似室內攀石嘅物體)

雖然呢度設施比付費嘅簡單,但對初試Play Room嘅小朋友絕對足夠放電!
而且人少少,如果媽媽們平日帶小朋友去,分分鐘係包場了

離島真係一個好適合同小朋友去嘅好地方,芊羽暫時去過塘福同長洲,期待下個checkpoint!

長洲體育館-兒童遊戲室
主題:「長洲特色」
面積:124.8平方米
地址:長洲醫院路3號
開放時間:早上7時50分至晚上9時40分(不包括下午12時40分至1時50分),每節時間50分鐘

作者:虎羽有云- Wilma & 小虎日常


熱門文章

親子好去處| 將軍澳 「由早玩到晚」一日行程
昂坪360|全玻璃車廂登場 360度零死角飽覽大嶼山美景|附票價詳情
聖誕好去處2022|《海賊王》亞洲巡迴展 帶你由偉大的航道走到和之國 16大經典場面神還原
聖誕好去處|荔園聖誕嘉年華登陸將軍澳 5大攤位遊戲+聖誕派對+工作坊
親子餐廳 2022|全港28間親子餐廳合集 攀爬架/室內沙灘/靚靚打卡位

全港遊樂場|44兒童遊樂場推介 攀爬設施+可愛造型|親子好去處 (不斷更新)
昂坪360|全玻璃車廂登場 360度零死角飽覽大嶼山美景|附票價詳情
聖誕好去處2022|利東街聖誕變身「復古經典的士高」
聖誕好去處|荔園聖誕嘉年華登陸將軍澳 5大攤位遊戲+聖誕派對+工作坊
親子好去處| 將軍澳 「由早玩到晚」一日行程
聖誕好去處2022|昂坪360設聖誕主題露營車 大小朋友齊齊同聖誕老人合照
查看更多   ▸