【和牛B】京都鐵道博物館、列車餐車、Kids Park。玩足大半日（超多圖）

大阪親子遊第五日下半部分行程，我哋嚟到了京都鐵道博物館及梅小路蒸氣機關車庫。由於鐵道博物館入面館藏實在太精彩，我會先講一樓（地下）、二樓、三樓、梅小路蒸氣機關車庫，最後再為大家介紹二樓餐廳及紀念品店。

自駕遊嘅我哋非常方便，京都鐵道博物館對面就有一個露天停車場，泊好車過一條小馬路就去到博物館了。進入博物館，第一件事當然係買入場券吧。日本真係好方便，有自動販賣機又或者真人接待。

買好飛馬上入場，一入場已經超興奮，因為第一眼就見到三大架火車泊咗喺到俾遊客影相。

其中一架仲係子彈火車（新幹線），馬上去影張全家幅留個紀念啦。

進入博物館之前，我哋去咗超有特式嘅火車餐廳 （ナシ20形食堂車）食個便飯。