| 日期 | 全年適用 |
放假帶小朋友去增廣見聞，除咗出國，其實香港仲有好多好地方可以帶小朋友去。田媽就喺weekend帶咗Justin去坐昂坪360纜車、去昂坪市集玩、仲參加咗「360大嶼山文化探索深度遊」！
早上喺東涌的昂坪360車站出發：
咁難得坐纜車，就梗係要坐水晶車廂啦，咁就可以360度睇風景。
第一次從這個角度欣賞飛機升降。
仲見到港珠澳大橋，傳說中的人工島。
昂坪纜車係亞洲最長的雙纜索纜車系統，用咗2年多的時間起好。大家坐纜車時除了可以欣賞沿途風景，仲可以留意下這項偉大建設。
原來上到昂坪市集，係有好多活動可以一家大細參加，啱晒依家夏天去，咁正午時分可以睇吓show、整吓手作仔，就唔怕曬親。