日期 | 全年適用 |
嚟到大阪嘅第5日行程,進入尾聲階段。我哋將佢定為「鐵路火車日」,點解我會咁講?因為第5日行程,第一站我哋會坐嵐山小火車,然後再去京都鐵路博物館,兩個景點都係圍繞住火車、鐵路。
大家又唔好以為,火車、鐵路係小男孩先會鍾意。其實女仔一樣好鍾意,和牛B對於坐小火車、去鐵路博物館都一樣好開心好興奮。
今次呢個行程,我哋為咗節省時間,其中一個爸爸送到我哋去龜岡火車站之後,佢就會揸車去到嵯峨站會合我哋。
原因係唔需要花時間,乘搭2次小火車來回。一程大概30分鐘,我哋坐一程就完成一個景點。
行上火車站嘅路只有較窄嘅樓梯,如果帶住BB車嘅話就會比較辛苦。
龜岡站站內空間比較細,所以堆滿人。
地方雖小,但仍然有紀念品店。
月台都唔算好闊,不過有好風景睇。仲見到以前睇宮崎駿電影,成日見到嘅狸貓公仔。
前往嵯峨野嘅火車終於嚟到啦!!!
我哋3個大人、兩個3歲小孩及1個手抱BB。因為想小朋友可以坐得舒舒服服睇風景,所以我哋俾佢哋單獨坐,就另外買車飛**。
^ 兩個小朋友都超開心!!
^ 坐到滿晒!! 所以千祈唔好諗住即場買飛呀!!
^ 沿途會見到好多樹林、急流、橋景等。
^ 如果秋季嚟到,開滿紅葉一定更加靚呀!!