| 日期 | 全年適用 |
「炎熱夏天到了，艷陽如火高照…」
話咁快又到咗夏天，又係玩水嘅季節啦！
每年白石燒烤場及小欖燒烤樂園都會舉辦唔同主題嘅充氣水上樂園俾大家去盡情玩水狂歡，
今年亦都唔例外，更首次與B.DUCK合作，舉辦全港最大型嘅B.DUCK主題充氣水上樂園添。
白石燒烤場嘅充氣水上樂園會以B.Duck浴室派對作為主題，而小欖則會以B.DUCK 沙灘派對作主題，兩者一樣咁別具特式，想知有咩分別就真係要去晒先知啦。
VIDEO
小簡介
白石燒烤場位於馬鞍山烏溪沙，場內可以飽覽吐露港、八仙嶺及船灣淡水湖大壩嘅美景，可以嘆住海景BBQ，令人份外心曠神怡。燒烤場佔地過萬呎，包括有大型露天BBQ場地、有蓋BBQ燒烤場及海景獨立BBQ屋，啱晒用來攪活動呀。
今次我哋就兩家人一齊帶住小朋友去BBQ兼玩水，實行係去旅行前來個下水禮兼前哨戰，為我哋兩家嘅Family Trip打開序幕！
一踏入白石燒烤場，眼前已經出玩一隻巨型嘅B.DUCK準備迎接大家。
台上設有一個小浴缸，而且仲裝滿波波及B.DUCK添，兩位小朋友見到就已經忍唔住要衝上台玩啦！
今次BBQ我哋試咗個5人海鮮餐，真係好多嘢食，我哋5個大人都食唔晒，食到最後個個都飽晒。
而且套餐嘅用具亦都好齊全，包括有炭、蜜糖 、餐具 、燒烤網鉗 、較剪、盒裝紙巾，可謂一應俱全呀。
今日最辛苦就莫過於兩位爸爸啦，要為我哋大熱天時燒嘢食，辛苦晒！
不過兩位爸爸辛苦燒嘢食之餘亦好識得自娛，燒燒下嘢食仲砌咗個人樣出來添。
