想喺香港玩水上樂園不是夢啦!!
白石燒烤嘅充氣水上樂園又再度回歸啦,上年我哋都有帶和牛B嚟,今年都唔例外。
今年仲有B.Duck坐陣,場內設有9條充氣滑水梯、充氣水池5個,仲有大船池!! 玩完水,過埋隔離BBQ,簡直係絕配呀!!
一入到燒烤場,就有數隻大B.Duck畀大家影相~
^浴缸入面擺放咗好多波波同埋鴨仔~
拎住換領券、換好泳衣,就可以去馬上換領手帶準備入場!
換領入場手帶旁邊有一個大船池,建議先玩咗船仔再落去玩水。因為玩船仔唔洗濕身,如果玩完水泳衣濕咗先玩船仔,就會擔心會冷親呢~
大船池
大人細路都玩得嘅船仔,船仔都有分大人同細路版。
個池可以容納大概5-6艘船仔,你睇和牛B幾開心。