【假日好去處】沙田。史諾比開心世界 x 免費坐獨木舟 x 放電公園


全年適用

今次介紹嘅免費好去處,唔係咩新地方。呢到其實已經興建咗好多年,不和牛B都未真正去玩過。呢個免費好去處地點非常方便,亦係好旺嘅沙田市中心入面。

 

地點就喺正沙田新城市廣場三樓平台嘅露天平台區域,重點呢個主題遊戲區,係免費入場,仲有得免費搭獨木舟。

 

 

鍾意史諾比嘅你,又點會錯過呢個機會呢。

一推開商場玻璃門,就見到大大隻Snoopy~~

開放時間係上午11時至晚上7時,獨木舟開放時間係中午12時至晚上6時。

每一個角落,都會見到Snoopy。

廣場闊落,走動地方好大,仲有好多影相位。

小朋友必去嘅景點之一,黃色嘅校巴。

入面有安裝冷氣,所以有啲微風,唔會好焗。

仲有個軚盤俾小朋友玩,仲有櫈添。

超放電嘅兒童遊樂場

圍住行一圈,兩組遊戲設施加埋有3條滑梯,有一條係水管長滑梯,真係超長呀!!! 

Snoopy獨木舟

小朋友一定好想去玩嘅遊戲,記得好多年前係要喺商場消費先有得玩。原來而家免費都可以玩啦,不過要留意番場內嘅告示,孕婦、手抱嘅小朋友唔可以乘搭。而1.2米以下身高嘅小朋友,係需要一位家長陪同乘搭嘅。

我哋大概等咗30分鐘左右,終於可以上船啦!! 因為船係由水流推動,船身無任何摩打,所以有四艘獨木舟都依然需要較長等候時間。

我哋計過時,每節大概玩8-9分鐘左右。我覺得呢個活動,真心係爸爸同囡囡最浪漫嘅活動嚟。

呢條隊,比起我排嗰陣還要多…免費活動,大家唯有俾啲耐性吧~

 

**溫韾提示** 全戶外露天活動,所以好熱又好曬。 記得要定時飲適量嘅水,同埋避免長期曝曬呀。 仲要記得帶定風扇仔,同埋做好防蚊措施呀!! 

 

史諾比開世界 x 沙田

地點: 新界沙田新城市廣場一期3 開放時間: 11am – 7pm 免費入場

————————————————–
Facebook專頁和牛B嘅成長專頁

Instagramwagyubmami

作者:和牛b的成長日記

 

 


熱門文章

消防及救護學院開放日 救護車輛巡遊+滅火/救援示範 即睇入場券申請方法
CHIIKAWA 首間香港官方期間限定店登陸尖沙咀!設3大特色打卡位 逾400款超人氣單品 附預約券/即日整理券領取方法
免費好去處|少年警訊創新科技大賽2024-25嘉年華 首次對外開放 玩轉科學鑑證遊戲/AI詠春體驗
復活節好去處2025 ︱全港 復活節 假期13大親子必去商城活動(不斷更新)
全港遊樂場|48兒童遊樂場推介 攀爬設施+可愛造型|親子好去處 (不斷更新)

消防及救護學院開放日 救護車輛巡遊+滅火/救援示範 即睇入場券申請方法
免費好去處|少年警訊創新科技大賽2024-25嘉年華 首次對外開放 玩轉科學鑑證遊戲/AI詠春體驗
復活節好去處2025 ︱全港 復活節 假期13大親子必去商城活動(不斷更新)
復活節好去處 | Philip Colbert 破格新作登陸尖沙咀 K11 MUSEA 打造沉浸式藝術體驗
全港首個 萌寵潑水節 :15米充氣長廊盡情嬉水!DIY寵物身份證/犬隻訓練班/毛孩領養日/寵物市集
「 2025香港閱讀+ 」專題書展/漂書車/工作坊/非遺展覽 逾30項親子活動推廣閱讀 購書低至半價優惠
查看更多   ▸