| 日期 | 全年適用 |
螢火蟲季節，又再夜遊郊外，尋覓螢光足跡，今次目的地係螢火蟲熱門地點大埔滘松仔園，幾年前嚟過行山，當年個個小朋友豆丁咁細，印象中有溪澗可以玩水，所以就先玩水後夜探。
一日之計在於晨，平時一向早起鳥嘅我，今次第一次黃昏時段開始行山，5點開始起步，太陽仲未落山，陽光柔和感覺舒服，開頭段路就係上鈄，比想像中易亦比想像中快，可能小朋友大個咗、能力高咗，所以感覺唔辛苦。
一直全斜坡直到分叉路就靠左行，由起點到達溪澗只需三十分鐘，小朋友絕對可以應付自如，去到溪邊見到有狗仔游泳，好可愛，但溪水範圍唔算大，小朋友對狗仔又愛又恨，未必可以一齊同『溪』共處。