又一新體驗，期待已久落田插秧做小農夫，飯就食得多，米從何而來？『粒粒皆辛苦』顧名思義，每粒米真係來得不容易，比小朋友親身去感受，去學懂更去珍惜飯碗每一粒飯。
今日太陽伯伯實在唔多合作，完全唔蒲頭，仲雷暴警告，傾盤大雨，活動除咗打風，否則都會如常進行，地點唔難搵，鶴藪燒烤區後面，要行十至十五分鐘先入到集合地點，所以要預鬆少少時間。
一開始就係做係做米粉餃子，一個小紅蘿蔔、¼嘅椰菜、小小粉絲及適量菜甫，將所有材料切碎加少許鹽和油備用，然後做個皮，用310cc熱水溝130g沽米粉加20g生粉，混好之後搓成餃子皮，就可以包餃子。
過程好玩，小朋友好用心洗洗切切，完全唔複雜，屋企都可以試做，蒸廿分鐘就食得，一路做餃子出面亦落住大雨，當差唔多完成就開始細雨，終於可以落田去啦！
落田前工作人員細心解釋插秧步驟及注意事項，亦鼓勵大家去嘗試，就算落雨亦唔影響，因為落田塊田係濕，佢話農夫落雨亦要照開工，所以真正比小朋友去感受農夫落田滋味，無論任何天氣⋯⋯