| 日期 | 全年適用 |
華德福由哥哥出世到依家都會周不時聽見同認識一點點，今日帶小朋友到林村的一家幼兒園走走玩玩，同負責人邊講邊玩再知道多一點，我都好希望這個理念能不多不少影響香港的傳統教育制度。
童年共學樂園是一所華德福幼兒園，提供常規課程、工作坊及些藝術節慶活動等，仲有不定期舉辦園遊會。這裏是一個共學小天地，今次前來參與兩個工作坊活動，有土窰Pizza 及紮染布Workshop，跟平時去的農場菜園又有唔一樣的感覺。
幾個推崇華德福教學的媽媽合辦呢一個共學園地，希望可以俾同樣唔希望自己小朋友在傳統教學下成長的家長，帶同小朋友一齊喺度享受共學之樂。
其實地方就同普遍見到的三層丁屋一樣，屋前有一大個園地，設有些遊樂設施(部分還在進行施工) 兩個一嚟到就即刻喺大草地度掘沙同打韆鞦
我就先入屋睇過，粉紅色牆加上全部玩具設備都係木製，一入嚟個感覺已經超 Warm 非常舒服。
善美姨姨仲佈置咗一個好溫暖的娃娃家，俾到場學習的小朋友一個小天地
開放式廚房，可以製作午餐及方便各樣活動及工作坊進行
環境真係好安靜好舒服，幾乎除咗小朋友歡笑聲，其餘就聽不到任何聲音，好似世界呢一刻停頓咗，今日唔使趕時段、跑景點、排隊玩，安安靜靜輕輕鬆鬆咁，就處於這裏慢活一個下午
呀哥、芊芊同埋表哥已經自動波咁周圍玩，呢度沒有太多的玩意，但剩係呢個韆鞦已經夠佢哋玩到唔捨得走。
整個韆鞦都係人工親手造，每塊坐板都高低不一，傾斜角度又不一樣，佢哋玩到可以自創花式，瞓晒喺度咁玩都得。(韆鞦好穩陣，大家可以放心)
呀芊已經唔係坐喺度玩。
玩玩下搞到左右打圈搖…
真係冇佢哋修…當然太危險時我都有叫停佢哋。
不過呢種歡笑聲同埋見到佢哋玩到咁開個樣，就無所謂啦！
