接近12月，四處的聖誕氣氛也愈來愈濃，各個商場都會花盡心思為商場換上聖誕新裝。 今次貓町媽媽帶咗小火子去葵芳新都會廣場，因為有聖誕花海同流星許願樹呀!
聖誕花海 星星燈 相機閃不停
新都會廣場於11月中完成翻新，其中戶外露天廣場有人造草皮，當日都見到不少人坐在草地上休息或吃東西，感覺很relax呀! 配合聖誕，露天廣場的樓梯位放滿了聖誕花，聖誕裝飾，最吸睛就一定是樓梯旁的牆身變成了一片花海，是不可錯過的打卡位置!
步上樓梯，就會看到遍地的花海及星星燈，好靚呀! 雖然當晚好多人，但因為都有唔少花同燈，所以要搵影相位都唔難~ 不過小火子開始大個仔有自己嘅想法，要同佢影到張合照都唔易ga，例如準備影相時，小火子就會跑走左或者索性瞓了在地上(男孩的媽媽有同感嗎?) 難得捕捉到嘅甜蜜互動，其實我們是玩緊遊戲：｢我地玩膊頭黐埋一齊; 到手肘黐埋一齊啦….｣，｢我哋扮Iron Man吸走星星d星光，然後射去爸爸度…｣，當然小子心情好的時候，也會賞臉望鏡頭笑一個，要影靚相真的要考火子爸的功力了。
室內流星許願樹 浪漫到不行
在戶外露天廣場已經影得好開心，但室內都好精采ga，就是有18尺高流星許願樹，樹上流星會隨音樂變色，小火子就不停叫我們睇： ｢睇下，變咗綠色；睇下，變咗紅色…｣ 場內仲有一架纜車裝飾，小火子又好開心咁走入去坐下，我真係好鍾意聖誕節，下次去邊個商場好呢~
謝謝收看，如果喜歡貓町媽媽的文章或想觀看更多親子玩樂情報，
歡迎到訪貓町媽媽的facebook專頁:
作者：貓町媽媽