秋天最啱就係郊遊，除咗可以親親大自然，近距離睇馬’餵羊咩咩之餘，仲又可以睇冰雕，在沒有雪的香港感受下凍冰冰，溜冰滑梯，踏單車，玩彈牀…. 是否好吸引呢？貓町媽媽一家週末剛去完海陸空冰雪嘉年華及大棠有機生態園就可以滿足晒呢幾個願望啦！
海陸空冰雪嘉年華
冰雪嘉年華雖然已經辦咗幾年，不過我們是第一次去，當然是想給小火子感受下涷冰冰啦。 我們買了$80的門票包海陸空冰雪嘉年華 ＆大棠有機生態園入場卷及遊戲代幣8枚。 冰雪嘉年華面積不大，入口有紅色冰雕火車，有兩間小冰屋，然後有一短一長的冰滑梯，薑餅人及聖誕屋冰雕等。冰雕不算精緻，整個區域幾分鐘就可以行完~ 不過入面真係好凍，其實行一陣已經夠。不過冰滑梯係幾有趣，小火子唔夠高自己玩，就同爸爸一齊溜，玩得好興奮！
冰雪嘉年華除咗有冰雕外，場館出面仲有得玩單車同彈牀，我地玩咗雙人車(3個代幣5分鐘)，架車望落好似好大，但原來好易踩，輕輕鬆鬆就踩完5分鐘。
