| 日期 | 全年適用 |
有留意我的媽媽都知我有舖癮，
就是在日本樂天網的西松屋買BB嘢喇，
雖然有人話淘寶都有西松屋D尾單啦，
其實這個我都知，
但有D款式真係得西松屋有嘛，
而且我總覺得人地做埋QC呢part安全D，
加上如果識搵便宜代購，
分分鐘仲平過係淘寶買水尾貨。
上月底帶Bella去了轉北海道，
(有興趣可看看我上幾篇文章，
教你點樣輕鬆帶B旅行唔辛苦）
自駕去小樽時遇上西松屋，
你話我又點會錯過呢，
即刻要多加一個景點逛逛，
入到去發覺店舖大到不得了，
如果要揀衫仔真係無返半日時間都吾得。
原本興緻勃勃，
誰不知同行既兩位男士（老公同老豆），
不斷喺旁邊比壓力催促我快D走，
你地明唔明當女人買嘢嘅時候，
如果有男人在旁催促，
係一件幾咁無癮嘅事，
就係咁搞到我當時失去咗理智，
只求其執咗少少嘢返嚟，
而家非常後悔，
所以我準備又再在佢哋網站廝殺過……
