日期 | 全年適用 |
「林邊生物多樣性自然教育中心」,好幾年前一直想去,只係一直都夾唔啱時間。因為呢個地方同我有個情意結,我小學時代差唔多每星期都會過嚟柏架山行下,當時還未有這個中心,只是一間荒廢了的紅屋。估唔到轉眼廿幾年今日帶住兩兄妹嚟走走!
當你行柏架山穿過山腳之後,好快就會見到「林邊屋」的「林邊生物多樣性自然教育中心」
可能今日係公假,所以中心外都有少少攤位玩下,順便教下行山知識
這等歷史建築物真係買少見少
一場嚟到一定要打番幾張卡先啦
中心地下有三個展覽廊
超初以為裏面得模型或展品等,原來真係有「真」動物睇
兩個攞住相機,對住玻璃箱內的動物不停咁影
蜥蜴及蛇等動物已經超吸引佢哋兩個