【傑。斯與晴】帶小B旅行：外遊必備清單
今次已經係第三次帶着小B去旅行，
隨着小JM嘅長大，要帶嘅隨身物開始已經慢慢變得少咗。
出街都變得輕鬆咗，之但係去旅行又會係另一回事，
媽媽都總會擔心「帶唔夠」或者「帶漏咗」！
今次同以往有少少唔同，
唔講衫、褲、鞋、襪，
唔講用品，唔講食物，
我哋講 ：旅行平安藥包！
好多時旅行我哋都會諗起要執啲咩衫、咩用品咁，
少不免就會忽略咗要帶一個小小嘅「平安藥包」來傍身。
你要知道，當人在外地而又一個唔好彩病病豬嘅話都真係幾慘架，
又要唔知邊度有醫生，又要怕醫藥費用貴，
所以帶備定一個小小嘅「平安藥包」用來看門口都係必須嘅，
俗語都有話： 防範於未然 呀嘛～
特別係帶著小B去旅行，我哋更加要為小B預早拎定啲旅行用嘅平安藥。
