【小周董世界】捉住夏天的尾巴~ 親子餐廳內濕身玩滑梯


全年適用

 

香港寸金尺土,好多餐廳其實都只係得小量玩意俾小朋友玩就稱自己為親子餐廳,唔係朋友介紹都唔知香港竟然有一間咁大間,咁多野玩既親子餐廳,當中最吸引小朋友都係呢幾個吹氣滑梯,夏天差不多完,涼涼地未必去到海灘? 但呢度有個吹氣滑梯會變身成水池,小朋友由成層樓高的滑梯滑落嚟,都幾刺激架,不過如果想玩記得帶泳衣同毛巾啦。

如果唔想濕身,除咗最高那個吹氣滑梯,其他設施都足以令小朋友玩到(或熱到)變濕水鴨,好似呢個彈彈牀好多小朋友都玩到癲晒。

 餐廳位於科學園,入到去成個環境都好清靜,而整個餐廳都被池畔包圍,風景真係好靚。

 餐廳大部分地方都用咗落地玻璃,光線非常充足,成個感覺好舒服。

最重要係大人可以喺餐廳嘆住冷氣用餐,小朋友自己喺出面玩都可以睇得清清楚楚。餐廳內所有玩樂設施全部都係免費提供俾食客,基本上一進入餐廳﹐職員就會為小朋友帶上手帶,小朋友可以無限次任玩所有遊樂設施。

 除左吹水彈牀同滑梯,仲有好幾款遊樂設施,小朋友上上落落不停消耗體力。

 小周董來來回回自己爬上爬落,玩咗至少10次都唔厭~ 哈

香港地唔係好多公園有得玩鞦韆,呢度有3個鞦韆俾小朋友任玩,仲可以望住個湖玩,真係寧捨玩得開心,連我都好想玩埋一份呢。

 如果同細DD嘅小朋友來玩,亦有相對短D的滑梯可以玩,同埋可以坐下呢架飛機影下相, 都好靚呢 ^^

 仲有好多架不同款式既車仔俾小朋友周圍玩。

小朋友特別鍾意玩水,呢個小水池玩具都好受小朋友歡迎呢。

 玩到熱晒+濕晒,返餐廳食嘢之餘,餐廳入面亦都有大量遊戲俾小朋友玩。

 除咗可以坐船扮海盜、亦可以玩煮飯仔扮下廚師。

仲有大量圖書同小玩具提供俾小朋友。成間餐廳基本上都係為小朋友而設,但最可惜係WEEKEND佢無KIDS MENU提供,而且食物都屬於較高價格,如果以大人計每位$3-400應該都走唔甩了,但食物質素我覺得都好味,唔會令我哋失望,加上我哋由12PM坐到5:30PM….哈哈,坐足差不多6個鐘都無俾人趕的感覺, 所以我覺得都值得推介俾大家呢!

食完玩完,可以順便參觀下科學園,個度有好多活動係教導小朋友一D科學知識,同埋一家人可以周圍影下相留念,開開心心又過咗一個愉快的周末啦,WEEKEND FAMILY DAY大家都可以搵一日去呢度體驗下啦 !

Meraviglia Bar e Ristorante 

沙田白石角香港科學園第二期科技大道西10號浚湖樓地下S041號舖

 

作者:小周董世界

 www.facebook.com/1437ritaandhim

www.facebook.com/1437ritaandhim

歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk


熱門文章

親子好去處|卑路乍灣海濱長廊:夏日森林之舞 睇海景+打卡+遊樂設施
親子餐廳 2022|全港32間親子餐廳合集 攀爬架/室內沙灘/靚靚打卡位
恐龍 迷注意|夏日快閃:機動恐龍展 參加活動換紀念品
室內遊樂場|全港21大好玩室內放電遊樂場
室內遊樂場 | 屯門全新開幕playhouse佔地8900呎 有滑梯繩網、跳彈牀、沙池

室內活動|《小王子》登陸MegaBox 5大打卡位+10呎高B-612星球
親子Staycation︱迪士尼樂園酒店。住進夢想的奇妙世界︱安妮媽媽親子日記
展覽|中大文物館 明清瓷器展覽+旋轉樓梯打卡位|工程師媽媽學堂
室內活動|與迷你兵團齊齊打壞蛋@太古城中心 全新黃色功夫戰衣初次亮相
室內好去處 | 新雅童書館佔地3,500呎 設蒙特梭利教具區、STEM Wall
香港科學館 | 下月舉行大型恐龍展覽 8組恐龍盛世化石標本免費觀看
查看更多   ▸