| 日期 | 全年適用 |
田媽想幫田爸慶祝生日+補祝結婚週年紀念，book咗呢間大仔(即係田爸）同細仔（Justin)都會好開心的酒店房，嚟個staycation!
酒店3點鐘可以check in，雖然酒店有shuttle bus由荃灣同尖沙咀出發，懶豬田媽事先book咗個車位，直接揸車去。泊24小時$250可以無限次出入。
上到房，Justin首先俾張賽車牀仔吸引咗
之後就有另一個重大發現 – 有車揸呀！原來房內有一部遊戲機，玩賽車遊戲，仲有埋軚盤、油門同波掍，好迫真呀！
不過最開心嗰個係田爸，自從Justin出咗世之後屋企部遊戲機都鋪晒塵，今次可以過足癮喇！