| 日期 | 全年適用 |
田媽一年前帶住一歲半的Justin去沖繩，亦都係佢人生第一次旅行。好多人都會好似田媽咁，選擇沖繩做第一個旅遊目的地。今次田媽主要想分享一下帶住個歲半B去沖繩有乜好玩同注意，希望大家有用啦！
準備
其實去沖繩有好多野都唔駛帶，可以到埗先去補給。好似我地咁，第一晚選擇住係那霸車，咁就可以偷D時間去BB用品店補給。 田媽就去左新都心的babyrus，買尿片、濕紙巾、baby food、BB水、disposable bib等
另一樣要注意就係歲半人仔仲細，為免水土不服，田媽係香港會準備定兩大樽食用水，寄倉到沖繩，到埗後就去買BB水，然後兩溝，到第三日就可以全部飲晒日本的水
選擇沖繩做第一次旅行目的地的其中一個原因係因為夠近。香港直航2個鐘就到，同去台灣差不多。 第一次坐飛機，田媽買定兩三架新車車，上機俾個surprise佢。另外我都帶左星星餅同yogurt，俾佢take off同landing的時候食。其實Justin成程機，都係不停食食食。
出發前記住打去航空公司訂定infant餐或者兒童餐呀！
租車
去沖繩玩，當然會自架，我地係OTS租車。排隊攞車用左成個鐘，好彩佢有個play area俾小朋友。我地租同還都選擇左係機場附近的XX店，還車時路上都幾塞車，大家要預多少少時間。雖然upgrade左Prius好好揸，但係下次去會選擇其他租車公司，或考慮那霸還車然後坐monorail去機場，咁樣好似會慳返d時間
住宿
5日4夜的行程我地住左4間酒店，無錯，即係每晚都轉酒店。俾我再plan唔會咁做。不過其中兩間都好值得推薦俾大家
第一晚到埗我地選擇住那霸市，因為帶住個BB唔想咁趕再揸車上中部，我地住Rihga Royal Gran Hotel。間酒店好靚，房間都算大。隔離有monorail站，都算方便
另一間田媽大愛的酒店係Renaissance Okinawa Resort ，尼間田媽大力推薦👍
因爲係沖繩唯一有得玩海豚的酒店。田媽覺得book元氣村好煩，所以就選擇左尼間酒店。
除左可以親親海豚，仲有靚靚沙灘、室內水上滑梯、多款水上活動可參加。酒店好baby friendly，食自助餐的餐廳有埋波波池，咁爸爸媽媽就可以輪流嘆住食。
另外，由於free upgrade左和式房，我地仲可以去浸溫泉♨️真心想住就住2-3晚，我地住一晚真係唔夠喉
不過都有中伏的時候，田媽貪平住Kise Beach Palace, 真係好舊，下次唔會慳尼d錢。尤其有小朋友同行都係新淨酒店好d
最後一晚住JAL Naha City，位於國際通中心點，好方便
作者：田媽。玩。樂。誌