| 日期 | 全年適用 |
說實在，這一年來與寶兒去了大大小小十數次旅行，假期已用盡，又不甘於每個周末都重複去沙灘、迪士尼、商場等等，星期五晚登船的三日兩夜郵輪之旅就剛剛好。坐郵輪不用計劃行程安排食宿，最啱懶人、或plan到攰又心癢出走的人。
星夢郵輪旗下的 雲頂夢號 Genting Dream去年才首航，好新好靚、人手充足；我哋住露台房，有雙人牀同梳化牀，小朋友可以瞓梳化牀唔怕碌落地，我哋雖然request咗BB牀，但最終冇用。
普通酒店房大小，外有露台及全天候海景。
厠所只有淋浴，request了BB沖涼盆。
船上有3間免費餐廳，兩間中菜，一間自助餐。由於登船大排長龍一肚氣，所以第一晚去咗間要俾錢的絲路花舞，食新派中菜，裝潢係好有新鮮感的中國風，服務一流。
牆上巨畫都幾野艷
冷氣頗大，可能人少。
先嚟一個拼盤：叉燒、蝦卷、帶子
寶兒好鍾意粉紅色餐具，仲話叉燒好好味