上星期一行十人, 興興奮奮跟小豬媽去白石玩水及BBQ, 我問同行朋友E莉:「我未去過白石喎, 你識唔識去?」, E莉:「我哋約埋一齊喺烏溪沙站搭的士, 廿幾蚊啫。」
原來, 由地鐵站乘的士, 車費也只是不用$24, 難怪一上車, 司機就已經黑臉.
一落車, 阿太即說:「哦…沙士嗰年我哋學校咪嚟過E度BBQ囉」…真的一轉眼又已經14年.
現在上層仍保留作BBQ之用, 下層則可以有充氣水上樂園. SY:「快D換衫啦, 我想去玩水啦」(有2個鐘任你玩架…放心啦)
可惜今日天公不造美, 不時下著毛毛雨, 偶爾更黑雲大驟雨…但是一點也沒有阻礙小朋友玩水的心情.
豬仔:「我唔怕落雨架」, SY:「其實, 玩水都會濕晒啦, 所以落雨我係唔會怕嘅」(你哋梗係唔怕啦, 我部相機怕吖麻)
這裏有兩款巨型大滑梯, SY遠遠望到已經說:「咁高…我好驚呀! 我唔瀡架, 我玩矮嗰個就得啦」
結果, 矮梯就被SY不停玩足10次以上, 而高梯就唯有靠豬仔, 及E莉幫手測試.
由豬仔媽抱實瀡梯的豬仔說:「好驚架…我都係唔玩啦, 我玩返水就得架喇」, 但E莉則說:「其實相比上年中環One-Piece, E個真係一D都唔驚啦」
場內還有大水泡, 香蕉船, 八爪魚, 其實, 我也有衝動想跳入水池玩大水泡, 不過, 可能要先儲錢買防水相機先.
小朋友還是最愛在波波水池玩水, 幸好今天小豬媽帶同表妹們來幫手, 否則我們真的沒可能於池水影相及拍片.
上層還有撐船仔, 小豬媽:「平時WeWa唔俾大人玩, 今日我要玩返夠本…」阿太:「我都想玩」, 小豬媽:「但係你無換衫, 船入面全部都係水喎。」
就在每節2小時時段即將完結前, 工作人員大叫:「各位大朋友, 小朋友, 我哋掟水袋時間即將開始啦…」
豬仔便與SY齊齊9秒9的上水, 在空地上等待水袋大戰時間…原來, 決戰有分大人組及小朋友組呀!
基本上是小朋友不停向大人擲水波, 而大人只是笑不停口的任由小朋友攻擊.
不出3分鐘, 所有水波也耗盡, SY:「吓…咁快就掟晒啦…我仲想玩喎」, 我:「無晒啦..大家都肚餓, 不如換衫去燒嘢食啦」
原來, 現在還可以在冷氣房, 一邊玩Game, 一邊開枱, 一邊食BBQ.
我問工作人員:「真係好設計喎, 係咪新嘢嚟呀? 今年先有?」
工作人員說:「吓…有咗3-4年啦喎, 我哋一接手就有攪…」(戶外燒的食物, 即時拿進冷氣房慢慢食….正!!
小朋友們租XBOX玩, 女士們開枱Party Time 平日$2,629/ 五,六日,假期$3,245.00…嘆着冷氣的依莉:「其實都貴貴地。」
我:「如果10人海鮮餐$1573, E家每人多$167, 就多青口, 金沙骨, 雞軟骨, 豬柳扒…我情願貴少少, 我都要冷氣。」
SY:「係呀! E度好呀! 有得打機」小朋友真的有無限精力…嘆住冷氣食BBQ 三寶丸, 超正!! ~由中午玩到夜晚, 今日真的太累, 還是我已經太老呢?
白石燒烤－室外BBQ
收費：10人海鮮餐$1397（星期一至五）、$1573（星期六至日）
海邊燒烤獨立屋
收費：10人套餐$2,629（星期一至四）、$3,245（星期五至日）
白石充氣水上樂園
日期：15-16/7、22-23/7、29-30/7、5-6/8、12-13/8
時段收費：$180（11am-1pm；6:30pm-8:30pm）、$240（1:30pm-3:30pm；4pm-6pm）
作者：大仁生活
