【Candy】[試玩]室內攀石場 Verm City


全年適用

暑假將至,又到爸爸媽媽頭痛安排小朋友活動的時候。室外活動往往受制於天氣,夏日炎炎、烈日當空又怕容易中暑;一時風雲色變,又怕淋得像隻落湯雞著涼。留在室內,又怕小朋友放電不足,夜晚玩到十一點都不肯上牀睡覺。究竟有無地方可以一次過滿足三個願望?

有,室內攀石場應該係其中一個選擇!

IMG_6911

應朋友邀請,到了近日在北角新開張、全港最大型的攀石場 Verm City 試玩。

IMG_6985

我拖著妹妹子走進場地,妹妹子舉頭一望,就嘩的一聲指著面前的大型設施。莫說小朋友覺得新奇刺激,我咁大個人都在心裏嘩了一聲。甫走進合家歡那個區域,就像走到大人國的公園。由美國和新西蘭進口、奪目繽紛的設施包括七彩層層疊、U形滑梯、巨型梅花樁⋯⋯大鄉里出城,我、妹妹子同細佬仔都係第一次去攀石場地,簡直眼界大開。

說到玩呢啲咁考反應同體能嘅活動,當然派爸爸陪妹妹子上陣。我都係緊守崗位,睇住細佬仔同做攝影師好了。

IMG_6964

若問妹妹子驚唔驚,她是驚驚地的。但經教練哥哥和我們鼓勵一下,給她一個較易達到的目標,她又竟然爬上了幾步。坦白講,我也不敢爬,三歲的妹妹子能夠克服困難,爬上幾步,已經讓我喜出望外了。

場內一位五歲的小姐姐,懷著一副大無畏的精神,無懼挑戰,幾乎玩盡場內設施,贏盡在場大人細路的掌聲。如果小孩有得五、六歲或是年輕人,必定玩得樂而忘返。

Verm City是香港唯一合乎規格,全港最大、設施最新的攀石場。場內分了兩邊,一邊是供非常專業的攀石人士進行活動,另一邊是一家大細都可以參與的攀爬牆和大型設施。Verm City 更是全港首個設有擴增攀岩牆 (Augmented Climbing Wall) 的攀石場地。擴增攀岩牆是將攀石與擴增實境 (Augmented Reality) 結合,讓參加者一面攀石,一面利用投影玩球類運動或遊戲,增添互動元素、挑戰和玩味。場地一角亦設置枱椅供30人休息或進行討論,適合包場開派對、做團隊活動或企業培訓。

至於軟件方面,Verm City 的教練全部獲得國際認可攀石教練牌照,非常專業。

不說不知,原來 Verm City 有意在場內發掘和挑選有潛質的小朋友,裝備備他們參與不同的國際賽事,包括2020年東京奧運。

運動教練岀身的 Verm City 董事 Cary Lee 說,開業以來,最開心是每次見到家長和小朋友來之前無咩溝通,但走的時候拖住手走。是的,又有甚麼比得上緊密的親子關係?

Verm City 現已正式開幕。爸爸媽媽或有興趣人士,可以先致電查詢預約時段或搓商活動合作機會,一過做蜘蛛俠的癮。

爸爸媽媽注意返,14歲以下小童必須由成人陪同參與。體驗時需穿密頭鞋,並簽署免責條款。詳細守則可瀏覽網頁:http://www.vermcity.com/。

 

作者:Candy


熱門文章

消防博物館 | 步操觀賞+消防救護車展覽 小小消防迷大召集 免費入場參觀
新店進駐|北角和富WORFU 親子食、玩、學新熱點
聖誕市集2021 │6大人氣市集 赤柱市集/朱古力聖誕嘉年華/限定手作DIY
聖誕好去處2021 | 開蓬巴士 夜遊尖東欣賞聖誕燈飾 (附酒店住宿限時優惠)
聖誕好去處2021 | 各大商場聖誕限定裝飾合集

聖誕好去處2021 | 各大商場聖誕限定裝飾合集
青衣室內遊樂場 | 青蛙荷花池主題 有繩網、跳彈牀 $100起任玩
聖誕好去處2021︱香港樂高®探索中心 6大聖誕活動、打卡位 用4.5萬LEGO®積木砌逾2米聖誕樹
聖誕好去處2021 | 希慎廣場 X Hot Toys《蜘蛛俠:不戰無歸》主題展 塑造電影4大場景
化身「聖誕環保小先鋒」|體驗親子繪畫 製作環保裝飾
日本親子遊|東京巨蛋城遊樂園 27種遊樂設施必玩推介|浪遊家庭大歷奇
查看更多   ▸