| 日期 | 全年適用 |
日本、台灣等地相信好多朋友都介紹過十分適合親子行，如果大家想去遠小小，探索下地球嘅另一端，同小朋友一起看世界，澳洲都可以話係一個不錯嘅選擇。當然啦，長途機亦都係一個挑戰，但我們都走過來了，其實又沒有想像中困難，但無可否認，2打2的情況之下的確係有點狼狽，但係爸媽都不怕累、不怕辛苦。
Sydney嘅交通主要可分為City Rail火車、Light Rail輕便鐵路、Ferry渡輪、Bus巴士，其他當然還有Taxi，仲有免費的觀光路線巴士555號啦。
其實悉尼不大，如果只在市中心的觀光點，建議大家都可以多加利用公共交通工具，亦是對當地一個不錯嘅體驗呀。因為我哋另外有再去近郊輕鬆咁玩下，所以有幾日租車出行，又是另一番不錯嘅體驗。
首先火車主要遊走巿中心至巿郊的主要鐵路網。我們抵達悉尼機場之後就直接購買Opal Card，最方便就係唔使煩到底應該買咩票種，因為Opal Card會自動計算你搭嘅時段同距離去幫你計車費，呢張Opal Card就好似我哋香港八達通卡，只要一張卡就可以支付各大交通工具嘅車資。
想話定俾大家知Opal Card，滿8次Journey之後，只要在同一個星期內你其餘嘅交通就係免費啦，另外仲有就係每日最高上限係AUS$15，簡單d來講，即係你用Opal Card搭乘大眾交通金額到AUS$15，之後就唔使再扣款啦！
而張Opal Card本身係免費的，唔同香港的，唔需要俾deposit，基本上好多地方都可以增值，只要至少儲值AUS$10嘅倍數就可以了。記得一要Tap On同Tap Off，如果係巴士就係上車嗰時，係前面(司機旁邊)Tap on，落車個時，前後(中門)都可以Tap off。
我哋由機場出返市中心都係直接買Opal Card坐火車去Central Station，時間好快，20mins左右。但車票就係AUS$17，所以如果你係機場出市區係打算坐火車，增值時就預多小小啦。
同樣，市中心亦可以住返火車去機場。
另外，Light Rail輕便鐵路，就係巿中心(CBD)內行駛嘅短程鐵路。亦都係去Fish Market最方便嘅交通工具。
一樣都設有關愛位置，坐椅係可以摺合的，如果有需要泊BB車等就可以摺起該區嘅座位。
而巴士可以話係補充火車網絡，巿中心和社區之間的連接工具。我哋去Bondi Beach都係坐巴士的，巴士真係好便民，BB車係唔使收車就可以推上巴士。佢有一個area係for泊disable car 同BB車，坐椅係可以摺合的，如果有需要泊BB車等就可以摺起該區嘅座位。
佢哋亦設有Courtesy Seat關愛座，鼓勵大家讓坐俾有需要嘅朋友。
而巴士亦有sign提醒大家唔好站立喺前門出入口位置，因為前門上落處係可以load低d，方便有需要嘅車仔上落。
不得不讚嘅就係澳洲國民真係好禮讓，而且我哋遇到幾位司機先生亦會大聲提醒其他乘客，先讓BB車上車settle好先，再到其他乘客上車，真心喜歡悉尼的巴士，十分便民！
跟香港一樣都係預先按bell下車的！
悉尼著名嘅當然有Ferry渡輪啦，係可以近距離欣賞歌劇院同大橋嘅交通工具，渡輪亦係連結巿中心和外島的主要交通工具，如果想同小朋友去Tangora Zoo都可以坐Ferry呀，不過要留意返來回的班次以免miss咗尾班船唷。
還有就是Taxi不用介紹太多，就按標付款。水上Taxi的收費，大家可以參考一下。
基本上市內就用以上交通工具可以方便到達，只係有時坐City Rail推住孖B車要搵lift可能要行得比較遠，所以我哋特別坐當地嘅巴士，真心讚！
Opal Card Web Site: https://www.opal.com.au/
其他嘅遊記我會慢慢再為大家補上！
作者：荔枝孖媽
我和孖寶的Facebook Page: 荔枝與孖寶
我和孖寶的 Instagram IG#: laichimama