【傑。斯與晴】 帶著小B去旅行。儲奶袋 變 餵食袋
帶著小B去旅行有時少不免都總會帶少嘢、帶漏嘢，
有時又會因為唔想洗呢樣、洗嗰樣而想帶少啲嘢。
（嗯，明嘅！因為當媽要做嘅真係太多，諗起都有啲攰！）
而正正因為今次帶小JM去旅行嘅飛行時間夾住咗小JM嘅午飯時間，
所以我呢個懶懶媽又諗多咗一個「另類奶袋使用方法」！
平時嘅我或者會用保溫壺或者炆燒杯去盛載小JM嘅午餐或晚餐，
但基於今次真係太趕，去到食完真係會無時間洗就要上機嘅關係，
媽媽我竟然將剩落來嘅奶袋變成「儲食袋」！
其實之前我都介紹過儲食袋，
係方便媽媽們帶小B嘅食物外出享用嘅，
但隨住小B們日漸長大，
所食嘅食物已經唔可能用食物袋連匙羹而擠出，
畢竟食物已經唔再係糊狀，已經變成粒狀甚至係稀飯類添！
正因為食物袋匙羹孔太細，
所以我今次大膽用咗「儲奶袋」去盛載小JM嘅午餐！
一早起身就已經要準備小JM嘅糧食，
先將菜切成粒，
再取出已預先預備好嘅肉粒，
再放入BB煲煮一個鐘即刻Okay！
到臨出門口先將稀飯用儲奶袋盛起，
分成兩袋儲存，
再以食物盒盛載或置放於保溫袋內即可。
因為有著小JM嘅關係，某部分航空公司係唔提供Online Check-In，
所以我哋一去到機場會合咗契媽媽之後就要先去Check-In，
去到等候區先俾小JM開始進食。
其實用會奶袋餵食一樣無難度，
只需要慢慢將稀飯從袋內擠出即可。
小JM一樣食得好滋味，
就算有肉粒、菜粒都一樣無問題，
唔使怕會塞住咗食唔到。
（我係用雙開口奶袋架，即係下圖呢隻）
食完飯仔就即刻可以掉咗個儲奶袋，
唔使洗嘢就可以準備上機展開旅程，
媽媽更加輕鬆！
其實除咗用「儲奶袋」做食物袋之外，
儲奶袋仲可以變成尿片冰種！
詳情可以參考以下既連結：
