日期 | 全年適用 |
香港迪士尼樂園一直係小朋友嘅夢想之地,第三間酒店「迪士尼探索家度假酒店」喺上月正式開幕,樂園酒店乘機推出一連串全新貼心活動,只要入住其中一間酒店就可以享受。
「Oh! 爸媽」特派記者化身成小小探索家,帶大家試玩,睇吓有幾好玩!
迪士尼除咗樂園內嘅設施之外,原來酒店內都新增咗多項親子活動俾各位賓客參加:
唔講唔知,迪士尼眾多位朋友入面,高飛原來係一位太極高手,佢每朝都會喺迪士尼樂園酒店入面,陪各位小朋友一齊耍太極,放鬆筋骨,等大家可以精神飽滿咁迎接一整日嘅玩樂行程!
▲高飛大師出場前,工作人員會先教小朋友用熱身運動。
▲大師出場喇!每一個太極動作都有板有眼,小朋友都玩得非常投入!
▲耍完太極,當然要把握機會同高飛大師影番張合照!
高飛師傅太極班
時間:09:00-09:30
地點:香港迪士尼樂園酒店米奇迷宮(如遇天雨將會改於酒店大堂舉行)