荔枝角公園 交通方便+大量打卡位+兒童遊樂場+草地|呀劍萬帥


全年適用

荔枝角公園 總面積達17.65公頃,園內提供多項康體設施,喺呢度可以野餐又可以踩單車,其他配套不在話下,雖然欠缺大自然景色,全部係樓景,不過計方便佢又贏哂,交通四通八達,可乘地鐵、西鐵及巴士前往。而鄰近則有荔枝角公園游泳池、體育館及圖書館。難得今日得我同芊芊兩個拍住拖咁去玩,我就帶咗佢嚟荔枝角公園放電兼打咭~

就係西鐵站出口一出就會見到呢個一開三嘅瀡滑梯,瀡落去嗰陣蛇腰咁瀡,真係可以媲美香港公園翻新過嗰條瀡滑梯!


一於喺度玩番夠本先返屋企


就係呢個”S”型彎位,瀡親都會超有快感

所以滑過番尋味,瀡咗幾廿轉!

 

仲有其他遊樂設施,跟住咩都玩D


呢個靚靚火車設施都算係 荔枝角公園 近西鐵站段嘅地標,小朋友個個都輪流喺度扮車長揸火車

「排咗咁耐終於到我啦!等我載住其他小朋友番元朗先!」


落番去地面估唔到又有一個

小朋友真係有無窮無盡嘅精力


韆鞦點少得呀!

睇佢玩個樣真係一D都唔似女仔。。。成個男仔頭


荔枝角公園好大,喺呢一邊設有一小賣部,大家可以喺度補給!不過其實便利店都係喺附近啫…


中國式嘅建築,小橋流水!咁靚嘅景梗係要同芊芊影多D靚相


荔枝角公園 嘅招牌

周圍都係山山水水,真係好似走咗入去古裝片咁(如果唔係相下底嗰條燈柱穿崩嘅話)

擰番轉頭就見到美孚新邨,即刻由古裝片走番去時裝片

整個公園幾乎都係被美孚新邨包圍住

喺橋上同芊芊睇咗陣鯉魚!好寫意喎

我哋穿過美孚西鐵站,向嶺南之風出發

大家記住唔好喺公園範圍踩板同單車,要去番專屬場地先好踩

行行吓見到遍地花瓣,芊芊就停低話要執花瓣同埋樹枝

邊行邊執已經好滿足,其實呢度周圍都有好多好大嘅草地,如果唔想去遠的話,近近地喺呢度野餐都係一個唔錯嘅選擇

你睇吓!真係周圍都有大草地,而且又少人,唯一比較輸蝕嘅係冇靚靚嘅風景

好靚嘅花卉蝴蝶造型

行到嚟呢度可以見到多D家庭喺度野餐,因為有個遊戲場喺附近,所以呢頭食完嗰頭走去玩就最啱

呢度仲有個長者門球場,不過我就真係唔識玩,可能我第時老咗自然會識得玩

下頁: 嶺南之風


熱門文章

免費親子好去處|香港動植物公園 免費睇亞洲小爪水獺 超治癒!
全港遊樂場|48兒童遊樂場推介 攀爬設施+可愛造型|親子好去處 (不斷更新)
復活節好去處2025 ︱全港 復活節 假期15大親子必去商城活動(不斷更新)
珠海親子遊 2025|16大好去處 主題樂園/1:1太空艙/溫泉度假村/免費景點 附9間親子酒店及民宿推介
親子跑步盛會|送 Run with KAKAO FRIENDS 2025 名額連跑手包

親子跑步盛會|送 Run with KAKAO FRIENDS 2025 名額連跑手包
香港迪士尼20周年6.28開幕 歷年來最大型花車巡遊+限定城堡表演 每晚煙火及無人機匯演
復活節好去處|西沙GO PARK 6大體驗 近距離接觸18種稀奇兩棲及爬蟲動物 另有尋蛋冒險+親子市集
親子行山|36條入門級 郊遊徑 分佈港島及新界 打卡位+交通介紹
復活節好去處2025 ︱全港 復活節 假期15大親子必去商城活動(不斷更新)
英國親子遊|10個 倫敦親子景點 部分免費入場 哈利波特影城+大英博物館+倫敦交通博物館+倫敦塔橋
查看更多   ▸