| 日期 | 全年適用 |
自從上次為JOBSjunior拍攝宣傳片扮演過消防員之後，朗朗就愛上咗消防員呢份職業喇！對於消防員一切有關嘅資料都感到好有興趣，有見及此，不如去一趟滅火輪參觀啦！
葛量洪滅火輪曾經為香港進行過多次海上救援工作，而家已經光榮退役，改裝成為展覽館喇！
船上嘅消防設備同房間仍然保留着，展覽館以海上消防歷史為主題。事不宜遲，我哋馬上登船睇下囉！
滅火輪附近設有波浪形水池，似乎係想營造番航行時候嘅海浪，可見設計都花咗唔少心思~
通過小橋便到達滅火輪，晴晴同爸爸快人一步上咗船，樣子幾咁得戚？心情一定好興奮啦！等埋我呀！
展覽館位於鰂魚涌公園，靠在海濱沿岸，響呢度仲可以欣賞埋維港景色，一舉兩得！哈！
晴晴二話不說已經展開搜索行動喇！gogogo~
紅色嘅係消防栓，用嚟撲救船上有可能發生嘅火警，要配合埋消防喉用先得㗎！
透過潛望鏡，可以睇到機房內嘅兩部柴油主機，晴晴都好雀躍想望下呀！
不如我哋逐間房睇下囉！第一間參觀嘅係餐室~
消防員就係響呢度開飯㗎喇！
牆上嘅掛鈎大概係俾消防員飯前脫下制服或裝備㗎啦！
由此路落去就係船員休息室喇！
滅火輪就好似一間流動消防局咁，消防員每間當值24小時。休息室係俾消防員當值日使用嘅！有6間房，每間都有上下格牀~
洗滌室設有廁所….
洗手盆等設備~
而廚房就有廚具、煮食爐….
仲有餐具。唔知佢哋每餐係食啲咩嘅呢？
到達船尾部分~
船頭同船尾都有兩個通風口，係一組活動裝置，可以因應唔同嘅風向而轉動，令船艙內嘅空氣保持流通~
呢部係尾錨機，當船響海面拋下船錨嘅時候，為免船隨風或海浪擺動，就會用佢嚟拋下尾錨，用嚟固定船嘅位罝同方向~
救護室有擔架、牀、藥箱等設備~
嚟到呢間房，可以透過膠地板望落船艙，好得意呀！不過如果有畏高嘅朋友就要注意喇！
呢間係辦公室，有枱、有梳化，如果消防員入晒嚟開會都幾壯觀喎！
船頭
可通過船頭嘅樓梯前往救火層甲板~
嘩！有大火呀！晴朗消防隊正為火警射水~
驟眼看，仲以為真係出咗海添！其實響呢度欣賞維港景色真係好正呀！
沿岸都發生咗火警，快啲去救火啦！
呢個係出水口，可以經消防喉射水救火~
當消防員需要去較高位置灌救船火嘅時候，就要上去水炮高台喇！
再上仲有控制室同水炮台，不過冇開放公眾參觀，所以就響呢個角度欣賞下啦！
我哋又長知識喇！Yeah!!!