今年終於有機會去玩海洋公園的聖誕活動, 真的是有史以來第一次. 所以連SY也晨早7時便自動起牀. (唔使咁早啩?)
因為今年OP的聖誕重點是「超時空魔幻匯演」, 第一場於13:00才開始, 所以, 我可以「施施然」再睡至10:30才起牀出發.
走入怡慶坊, 超大型LED舞台, 配上一班「電子世界爭霸戰」裝束的舞蹈演員, 科幻得比看郭富城還熱鬧.
移形換影, 雙人懸浮術, 極速變裝, 火焰變美人等等.
因為配合全場LED燈光效果, 全程氣氛非常緊湊, 嘩!嘩!嘩!就是阿太與SY在旁邊唯一的說話.
大衛高柏飛一樣的大型表演, 今日免費一口氣完全睇, 非常超值
我問SY你最愛看那一項目呢?
SY:「最尾尾大鋸斬個魔術師, 而佢又可以靜雞雞走咗去山頂…仲突然間飛返落嚟囉」
可能你未必明白小朋友說甚麼, 但當你有機會看一次, 可能你也會帶著滿足離開表演場館.
離開前, 記得跟各魔術師打打氣, 再來一個大合照呀!
欣賞完表演, 我們便穿過「華麗聖誕路」, 排隊乘搭登山纜車前往高峰樂園, SY:「今次無買快証呀?(我:無), 好彩都唔係好多人」
同行豬仔當導遊, 帶我們直衝上「冰極天地」找企鵝, SY:「企鵝真係得意? (點得意?) 佢哋行路震騰騰, 爸爸你唔覺得好得意咩?」
之後, 我們便走到SY認為最刺激的「熱帶激流」, SY:「好多人向我哋射水呀! 」
後來我發現, 今次較上一次全身更加濕透, 原來同艇的其乘客, 她們有很多「好朋友」在陸上激烈的向我們發炮呀!
今次, 我們終於找到可以向其他人發水炮的位置, SY不停射, 不停射也不願走…他說:「我要幫其他人玩得濕D, 咁佢哋先會笑得更開心呀」(你想報仇就真)
之後, 當我們玩過摩天輪, 又看完鯊魚後, 於是又搭回纜車重返海濱樂園…
剛才我們拍照時的巨型聖誕樹還未亮燈, 想不到下午5時左右, 接上光影的聖誕樹, 還不斷播放著聖誕歌曲, 濃濃的節日味道就是這樣變出來…(奇怪!! 明明還未到月中, 但聖誕威力真的非同小可)
威威天地內又有另一聖誕特備項目~「激光迷陣」…
其實這是「職業特攻隊」, 湯姆·克魯斯避開所有鐳射光, 最快按動三粒關卡鍵便勝出. SY與子子玩得非常興奮, 玩完一次又一次.
子子:「成功…」, SY:「Yeah! 贏咗」, 兩位小朋友用了231秒…但另一邊廂, 子子爸只耗了100秒便完成…師傅級人馬果然名不虛傳.
之後, 自己也不明白, 為何我會被迫走上青蛙跳樓機, 陪小朋友們齊齊玩, 同場的小朋友大笑大叫:「好玩!好玩!」
可憐細膽的兩父子則驚得「鼻哥窿無肉」, 現今的孩子真大膽…究竟他吃那個牌子的奶粉長大呢? 還是SY小時候我買錯細膽奶粉給他?
由早玩到夜就是每次到海洋公園的任務, 入夜後的「聖誕奇異花園」果然美得不想離開公園…
剛巧聖誕老人就在「樹屋」內與大家許願合照…聖誕老人一句:「Merry Christmas HoHoHo」, 大家也笑了, 快樂就是那麼簡單﹗
日期: 即日 – 2017年1月2日 10:00至19:00 (12月24日至12月31日: 10:00至20:00)
地點: 香港海洋公園