【聖誕好去處】Santa Goofy正式登場！一家大細暖笠笠過雪亮聖誕

寒流飄到黎香港，唔想年年都睇燈飾咁dry？咁就要去香港迪士尼樂園啦～一家大細過返個暖笠笠嘅聖誕節。等小編話你知，Santa Goofy已經正式登場，加埋一眾迪士尼朋友為你準備好一份份窩心暖意嘅禮物同你迎接聖誕。即使溫度再低，一家人喺熱鬧嘅大街上睇埋飄雪，今次仲唔暖到入心？

暖意齊分享 寄出「心願明信片」

有好嘢緊係要齊齊分享！喺聖誕節都唔例外，所以Santa Goofy都嚟左小鎮大街同大家一齊分享聖誕心願，佢仲會派「心願明信片」比你哋架，你哋有咩心願祝福都可以寫上明信片，之後放入「聖誕願望郵筒」，蓋上特別版聖誕高飛郵戳紀念印，你哋嘅暖意祝福就會送到摯愛親人手中，咁樣小朋友就可以將呢份溫暖傳埋比朋友仔啦！

置身暖暖雪亮小鎮 投入飄雪懷抱

聖誕節嘅主角當然喺聖誕樹啦！閃閃亮嘅聖誕樹處樂園中，令你彷佛置身外國，當雪花燈光緩緩亮起，係時候迎接夢幻嘅一刻啦！白色嘅雪花從天而降，將呢一個冬日小鎮染上薄薄一層白雪，拎埋立體光影眼鏡^欣賞璀璨煙花，更會有奇妙時刻出現！有咩又溫馨得這一家大細攬到實，見證奇妙嘅呢一刻呢？當然米奇同佢一班老友都會紛紛出動，一齊過聖誕。望真啲聖誕樹果度，原來仲有「聖誕歌詠團」為你演奏全新嘅動人樂章，小朋友又點可以錯過呢！

米奇朋友共你光影留情

喺呢個冬日暖意嘅時刻，當然要留低最溫馨嘅時刻黎回味啦！亦都係呃Like嘅好時機，係美國小鎮大街上面，米奇、米妮、唐老鴨⋯⋯佢地都準備好換咗聖誕服飾，仲有迪士尼小熊Duffy、ShellieMay及貓畫家小東尼都以冬日新裝登場啦！爸爸媽媽快啲教定你哋嘅小朋友擺pose，同佢哋一齊影靚相，將呢個日子帶埋返去啦！

奇妙優惠處處－85折優惠

呢個冬日又點只咁簡單？除左聖誕樹、歌詠團，仲有滋味滿載嘅聖誕大餐、聖誕主題嘅酒店房間等緊你哋！即刻去馬，搵埋一家大細買「奇妙處處通」，三個或以上即享85折優惠＃！之後仲可以玩足全年，嚟緊1月仲有Iron Man啊！優惠期至2017年1月28日。不過記得要喺樂園正門售票處或者樂園內「奇妙處處通會員服務中心」先買到架！

想暖笠笠過聖誕就一定要去香港迪士尼樂園喇！
http://bit.ly/2g4PM2r
仲有好野分享（2016年11月22日至12月22日），只要你參加呢個遊戲，同Santa Goofy講你嘅願望，就可以收到佢send比你嘅Video Message，仲有機會贏到迪士尼門票！仲等咩呀？快d玩啦！
立即參與》http://bit.ly/2g5egDu

＃此優惠只適合香港居民(長者「奇妙處處通」不適用)
^由2016年11月17日至2017年1月2日期間，白金卡及金卡會員到奇妙處處通會員服務中心，出示有效的會員卡，即可換領限定禮物—聖誕襟章及立體光影眼鏡，換完即止。

資料來源：香港迪士尼