「超感官暴龍展」今日起開始，利用AR(擴增實景) 和VR(虛擬實境)技術，把市民時光倒流到恐龍時代。沒想到一個沒有化石和仿製恐龍展覽，一樣咁好玩，入場費只需$20。
雖然市民置身一個只有700呎的展覽場地，但透過科技，可以返回草原萬里的恐龍時代。展覽分為5大展區，分別是「暴龍傳說」、「暴龍新知」、「飛越白堊紀，虛擬新體驗」、「恐龍教室」和「回到侏羅紀」，立即帶大家到現場睇下。
暴龍傳說/暴龍新知 小朋友玩到唔肯走
究竟暴龍係咪一個好爸媽？暴龍係咪當時最無敵嘅生物？想知就要來到呢兩個展區。現場有70部平板電腦，當入場人士可將電腦的鏡頭對著指定景物時，電腦屏幕便會利用AR技術播放動畫，解答各位的問題，小朋友睇片知答案。
