【晴朗天】聖誕朱古力夢工場@新都會廣場


又到聖誕…又到聖誕……好快又到普天同慶嘅聖誕節喇!各大商場都已經佈置得好靚、好有聖誕氣氛。唔知你哋鍾唔鍾意食朱古力㗎呢?我哋就勁鍾意喇!今年新都會廣場主題係朱古力夢工場,一眾朱古力迷唔可以錯過喇!


益力多廠、可樂廠就參觀得多喇!朱古力廠都係第一次咋喎!過去睇下囉!


嘩!好澎湃呀!啲朱古力漿好似噴泉咁溶梗出嚟喇!


負責輸送朱古力漿嘅水管仲滴梗朱古力添!快啲lam下好唔好味啦!


聖誕節又點少得薑餅人呀?仲有好多款朱古力蛋糕添喎!真係見到都流晒口水喇!


好大隻熊bear bear,好可愛!配埋聖誕裝飾,好有聖誕氣氛呀!


「我想食粒士多啤梨,唔該幫幫忙啦!」


重頭戲來喇!做乜咁多人排隊嘅呢?唔通有米派?


原來響商場內消費滿$300就可以免費獲得朱古力禮盒自訂服務一次喇!


推廣期由11月24至12月15號咋!


朱古力禮盒自訂服務其實係店員會按照你所提供嘅英文字來執啲朱古力英文字母,最多七個字,如果唔夠七個字,店員就會隨意放入店內嘅其他款式拼夠7粒朱古力。係咪好有意思呢?


店員仲即場為我哋影咗張全家幅,感覺幾得意,我哋未試過全家去影貼紙相㗎!


話咁快就print咗出嚟!貼埋上去禮盒度就完成,好有紀念價值呢~


店內仲有其他款式朱古力發售,花束同聖誕樹都好吸引呀!


「可唔可以即刻拆來食呀?」hehee


LONG = 朗朗,SAM = Samantha (晴晴),咁靚邊捨得食啫?


但轉個頭,已經畀兩隻胃食鬼食梗喇!OMG~~

今個聖誕,新都會廣場化身聖誕朱古力夢工場,就好似置身響巨型朱古力工廠咁呀!唔只可以享受視覺嘅滿足感,消費滿$300所送嘅限量個人化朱古力禮盒仲可以帶來味覺滿足添!唔好以為禮盒內啲朱古力字母係平平無其嘅一般朱古力,食落朱古力味十分之濃郁,而且好夠香滑。原來係Haute Chocolat嘅出品,果然有水準呀!記得去埋朱古力pop-up store逛逛,佢哋所售賣嘅香港製造手工朱古力好特別,尤其係花束同聖誕樹都好靚呀!場內擺放咗多棵不同高度、大大小小的聖誕樹,聖誕氣氛十分濃厚,大家都快啲嚟新都會廣場感受一下啦!


聖誕朱古力夢工場 X’mas Metroplaza Chocolate Factory
日期:2016年11月9日 – 2016年12月31日
時間:11:00am – 10:00pm
地址:葵芳新都會廣場L3天晶館
網址:http://www.metroplaza.com.hk
推廣詳情:http://www.metroplaza.com.hk/assets/content/promote/mp_1479092430_b.jpg


熱門文章

年花 | 7大本地花農種植場直接入貨 附挑選各年花貼士、保存方法
香港郊遊 | 上窰郊遊徑+曝罟灣堤圍︱超強打卡+輕鬆行山首選
香港自駕遊 2022|45個自駕遊好去處 睇日落+放風箏+野餐(持續更新)
虎年新春遊| 白爛貓東薈城名店倉新春團拜 必影6大打卡位
親子農莊好去處|18個本地親子農莊 餵小動物、多項遊樂設施 放電一流! (2021年更新版)

康怡、淘大掃貨迎虎年 做足4大準備過新年
室內遊戲室 | 新開幕森林主題免費遊戲室@牛頭角彩榮路體育館|金牛急躁媽
奇華新春工作坊 | 親子製作BROWN及CONY造型賀年糕點+送限定賀年紀念品
室內體育館 | 彩榮路體育館明起啟用 設兒童遊戲室、室內緩跑徑
漁護署獅子會自然教育中心 | 農館全新裝修 包模擬有機耕作農田、昆蟲展品
侏羅紀恐龍樂園 |恐龍登陸九龍灣 大型互動展區+多款遊戲 玩轉侏羅紀|貓町媽媽
查看更多   ▸