| 日期 | 全年適用 |
近年來唔少人鍾意去日本浸溫泉，不過可能爸媽會諗，究竟會悶唔悶親細路仔？話都無咁快，最近日本溫泉勝地別府市，想搞一個以溫泉為主題的樂園，就設計咗「湯～園地」計劃（Spamusement Park Project），仲請人喺當地著名遊樂場「別府ラクテンチ」拍攝，介紹一下呢個計劃係咩黎！嗯，究竟葫蘆裏面賣咩藥呢？即刻睇下！
一睇段片開頭，就見到大人細路都要包著浴巾，咁去浸溫泉都係好平常，當然，亮點在後面！
其實，遊樂場有旋轉木馬玩一啲都唔出奇！不過大人細路可以邊浸溫泉邊玩，諗落都好正！
見到一對情侶喺度好開心咁，原來佢哋好期待「溫泉過山車」！即係邊浸溫泉邊玩過山車！非常刺激！
小朋友都有得玩Q版過山車呢！呢位女仔都好開心啊！
話到明係溫泉遊樂場，大人細路都可以喺大浴池度浸浴，諗落真係好似水上樂園！
唔可以唔提嘅係，遊樂場有溫泉纜車，啱晒一家大細邊浸溫泉邊睇風景！
去到夜晚，一家大細更加可以玩溫泉摩天輪，浸住溫泉睇夜景！真係好浪漫！
不過，如果想見到樂園真係搞得成，別府市政府話條片嘅觀看次數要達到100萬次先會成事！爸爸媽媽不如即刻睇呢條片，同share俾身邊嘅姨媽姑姐親朋戚友，一齊將條片谷到上100萬次觀看次數，令市政府願意搞呢個樂園之餘，我哋都可以帶住仔女入去玩呢個「湯~園地」！諗落都好期待啊！
唔好嘥時間啦！即刻睇片啦！