| 日期 | 全年適用 |
最近0既天氣好好哦….
涼涼地咁, 好適宜行山!!!
上星期連放三日假, 及時行樂
帶左兩隻仔去行山
今次目的地-龍脊
其實之前已經好想, 好想行龍脊架啦…..
0係 FB 不時見到0的朋友上去打, 咭影靚相咁!
不過, 又顧慮到阿仔佢地仲細….
而且…..又唔太識路, 又驚好難行
所以, 一直都得個諗字, 從來都冇付諸實行
今次, 多謝契姐哦…..
謝謝佢帶領, 沿途又幫幫忙
兩兄弟行得好開心…..
好, 去相
超級興奮
第一次咁大挑戰
行龍脊到小西灣, 全程係需要4個鐘…..
行左幾步……
嘩, 都幾多梯級喎……
我個心真係有0的怯架….
事關佢地行山之前, 查實先剛剛打左個半鐘波!!!!
我真係好驚佢地會攰得滯, 頂唔順架…..
轉眼間, 到逹左第一個救命點啦!
呵…..好有成功感哦!
好快已經行到滿頭大汗啦…..
行行下, 見到勤力的小螞蟻
呢隻蟻真的堅犀利…..
舊食物明明就大件過佢, 但佢竟然搬得郁!!!!
真係勁到不得了!!!!!
行到呢度
兩兄弟不斷話…..嘩….我地好高好高好高哦…….
成日都俾呢個景洗版
今日聞名不如一見…..真係好好好靚囉…..
真人靚過上鏡添呢…..
美景梗係要配下佳餚啦…..
邊行邊食曲奇! 正!
行得好辛苦, 終於行到呢樹
梗係要留下倩影啦!!!!
阿朗條長腿, 我都好恨哦……
同靚景自拍完, 又要起程!!!
沿途除左行, 佢地兩個就係食…..
話說阿哥最近下門牙郁郁地, 準備甩咁…..
佢食野0個陣, 總係要就住就住
個樣真係好滑稽….哈…..
唔經唔覺, 真係行左好多路
行到呢段, 細佬開始不斷叫攰, 有0的扭計添……
見到有位, 就話要坐……
hea 到……唔知講乜好……
終於…..見到柴灣啦喂……
任務完成! 真係好想讚下佢地!
今次太好玩啦,
發覺, 原來好多野, 我以為佢地做唔到
但原來, 佢地不知不覺大啦…..
好多野, 佢地都做得到架!!!!!
好, 下次要再挑戰更難行0既路!
兩兄弟要加油哦!
