| 日期 | 全年適用 |
孩子生日當然要隆重其事，絕對唔少得大搞生日Party，宴請各方好友為孩子慶祝一番！不過每年生日會來來去去都喺快餐店、Play room舉行，爸媽唔悶孩子都會悶。想搞搞新意思，可以選擇喺九龍灣BOUNCE舉辦彈牀生日會，一定可以帶俾孩子同其他小朋友一個驚喜！
最近香港掀起一般彈牀熱潮，無論大朋友定小朋友，試過BOUNCE嘅彈牀體驗都讚不絕口。位於九龍灣EMAX嘅BOUNCE由澳洲引入，係亞太區第一間分店，佔地2萬2千呎，除咗有80多張互相連接嘅彈床，仲有多個玩樂設施，例如花式跳躍籃球架、閃避球、彈牀Wakeboard等等，60分鐘內可以任跳，絕對係小朋友放電嘅首選！
▲小朋友只要超過3歲，就可以體驗跳彈牀嘅樂趣。望住小小人仔跳吓彈吓，真係好得意呀！😍😍
▲呢個彈牀滑梯真係好好玩，小朋友瀡咗幾次都唔捨得走。
喺呢60分鐘入面，將會有一位彈網裁判帶領小朋友玩盡各個彈牀區域。BOUNCE的彈網裁判都擁有中國香港體操總會金章級別資格，及經過澳洲專業訓練，可以確保到小朋友安全。佢哋仲會化身成為「Playgroup導師」，同小朋友大玩團體遊戲，令小朋友完全投入歡樂氣氛之中。
▲呢個就係傳說中嘅彈牀Wakeboard，好考小朋友嘅平衡力，爸媽可以俾小朋友挑戰自我！💪 💪
▲彈牀閃避球大賽正式開始，各位小朋友準備好未？
放完電，當然就嚟到全日嘅高潮位－切生日蛋糕！小朋友將會有45分鐘時間可以喺私人派對房休息，舉行大食會、大唱生日歌，同壽星囝囡慶祝生日。爸媽仲可以將按照小朋友嘅喜好嚟佈置房間，為呢個生日派對錦上添花。
▲有咩開心得過放完電，仲有成班好朋友陪自己吹蠟燭！🎂
▲到會嘅食物可以由商場嘅餐廳提供，以確保食物新鮮質素，爸媽們大可放心。
▲BOUNCE共5間派對房間，會根據參加人數而安排，確保小朋友有適當嘅空間活動。（以上房間可容納30-40人）
唔好以為跳彈牀只係彈吓、跳吓、玩玩吓，其實小朋友跳多啲彈牀，對佢哋身心發展都有莫大益處。BOUNCE香港區總經理羅志豪話，跳10分鐘彈牀，運動量即等於跑咗30分鐘步：「彈網屬於低衝擊性運動，消耗力非常大，跳躍動作需要用上全身肌肉，而且可以訓練小朋友嘅協調性同平衡力，所以近年非常受家長歡迎。」
▲根據非正式統計，跳得多彈牀，仲可以令小朋友快高長大。😜
60分鐘嘅彈牀體驗，加埋45分鐘嘅派對時間，已經可以令小朋友開心足一日。BOUNCE除咗為壽星囝囡送上一份特別嘅生日禮物外，亦會為每位小朋友準備一對防滑襪；同時每一位家長亦可享用2小時免費泊車，照顧得非常周到。
▲不得不介紹呢對防滑襪，曾經喺媽媽Group瘋傳過，被譽為「防滑聖襪」，好多家長都會喺彈牀派對後留起，等小朋友下次去Playroom玩時再著。宜家只要喺BOUNCE舉行派對，每位參加者都可以免費有一對。
▲壽星囝囡將會收到一份生日禮物，內含一張免費彈跳券，可以留待下次再用。
提提各位爸媽，由於BOUNCE生日派對非常受歡迎，建議要提早兩個月向公司查詢，以確保小朋友可以舉行一個獨一無二嘅生日Party！
查詢：2556 9555
網上預訂：http://www.bounceinc.com.hk/zh/parties