| 日期 | 全年適用 |
好多人期待已久嘅澳門巴黎人終於喺9月13日盛大開幕，以後又多咗個親子好去處，可以帶小朋友離港渡假！記者日前獲邀出席澳門巴黎人嘅體驗活動，宜家就等我哋帶大家一齊睇睇可以點樣玩轉巴黎人，先睹為快！
無論你係大朋友定小朋友，兒童樂園「Q立方王國」一定會令你樂而忘返！場內提供攀爬網、滑涕、波波池同遊戲機地帶等，比一家大細喺王國盡情耍樂！
▲場內活動空間極大，而且做足安全措施，小朋友可以放心玩。
▲好玩嘅Play room又點少得波波池，就算小朋友太細個，都可以暢玩一番。
▲Play room正中有個小舞台，可以俾小朋友即場表演。
▲唔好睇少呢個小網陣，記者想過去都有啲困難，不過當然難唔到身手敏捷嘅小朋友！
▲爸媽玩到攰？唔緊要，場內有幾部可以上網嘅電腦，就算攰都可以解下悶。
▲怕同小朋友玩到忘晒形，會整唔見啲嘢？場內有Locker，每小時租用$20，鎖起啲貴重物品就無有怕！
▲年紀較大嘅孩子，可以選擇玩場內提供嘅電子遊戲，有Wii U、Xbox同Kinect。
▲王國入面有兩間Party Room俾小朋友開生日會，爸媽記得預早BOOK定，咁就萬無一失！
▲Play room出面仲有小朋友最愛嘅旋轉木馬，衝呀！！！
營業時間：09:30-21:30
地點：澳門巴黎人6樓
門票價格（一位小童與一位同行成人）
平日（星期一至星期五）：澳門幣120元（首兩小時）
**額外時數每小時付澳門幣60元
週末、公眾假期及暑假：澳門幣150元（首兩小時）
**額外時數每小時付澳門幣75元
額外同行成人入場澳門幣60元（每位首兩小時）
下一頁：消暑狂歡！巴黎人水世界
相關文章：【唔駛飛泰國】香港海灘度假天堂 海迎灘 Welcome Beach
【免費鬼監獄】全城唯一‧免費任玩鬼屋 @ 樂富